Garraio publikoa doan eskainiz, kutsadura murrizten saiatuko da Alemania

  • Garraio publikoa doan eskainiz gutxitu nahi du aireko kutsadura Alemaniak. Asmo hori jakinarazi diote herrialdeko hiru ministrok, tartean Ingurumenekoak, Europar Batasunari.

ARGIA @argia
2018ko otsailaren 14a
Bost hiritan probatuko dute doako garraio publikoa, kutsadura murrizteko neurri gisa.

Aitzindaria litzatekeen neurria momentu berezian dator Alemanian: herrialdeko industriaren ikonoetako bat den Volkswagen auto-enpresa “Dieselgate” afera dela-eta kolokan jarri ostean. Volkswagenek bere autoen emisio kutsagarrien inguruko datuak faltsutu zituela frogatu zuen eskandaluak, eta badirudi zalaparta mediatikotik harago, erabaki politikoak ere bultza ditzakeela.

“Beharrik gabeko atzerapenetan galdu gabe, airearen kutsadura modu eraginkorrean borrokatzea Alemaniaren lehentasun handienetakoa da”, azaldu dute ministroek Europar Batasuneko Ingurumen komisarioari bidalitako gutunean, The Guardian egunkariak argitaratu duenez.

Doako garraio publikoak kutsadura gutxitzeko balio duenetz frogatuko dute “beranduenez urte amaieran” mendebaldeko Alemaniako bost hiritan, tartean Bonn, Essen eta Mannheimen.

Gainera, emisio kutsagarriei muga zorrotzagoak jarri nahi dizkiete Alemanian, autobusek eta taxiek eragindako kutsadura ere arrastoan sartuz.

Europako Ingurumen Batzordearen arabera, bizitza mehatxatzen duen kutsadura-kopuruak daude Europako 130 hiritan eta 400.000 heriotza inguru eragiten dituzte.

Kutsadurari EBk jarritako mugak betetzen ez dituzten estatuek Europako Justizia Auzitegiaren ekimen legalei aurre egin beharko diote gainera, The Guardianek publikatutako AFPren albisteak gogorarazi duenez: Batasuneko kide diren estatuek isunak ordaintzeko arriskua dute beraz, neurri eraginkorrak hartu ezean.

Kanal hauetan artxibatua: Kutsadura  |  Alemania  |  Volkswagen afera

Kutsadura kanaletik interesatuko zaizu...
2018-05-08 | Amaia Lekunberri
Turismoak beroketa globala bultzatzen duela azpimarratu du ikerketa batek

Berotegi efektua eragiten duen gas-igorpen globalaren %8 turismoari dagokiola azpimarratu du garraioa, janaria, ostatua eta bidaiarien erosketak kontutan hartu dituen ikerketa batek, Le Monde Diplomatique-k jaso duenaren arabera.


Kutsaduraren biktimak "Akurien Ibilaldia" egiten ari dira Marseillatik Parisera

Maiatzaren 1ean abiatu ziren Marseilla ondoko Fos-sur-Mer tristeki ezagunetik eta ekainaren 30ean iritsiko dira Parisera. Klase guztietako kutsadurak (airean, elikagaietan, ingurumenean, erradioaktiboak...) salatzen dituzten 100dik gora elkartek antolatu dute La Marche des Cobayes, herritarrak ohartarazteko industriak erabiltzen dituela beren produktuen ondorio kaltegarrien akuritzat.


Ardoak pestizidak daramatzanez, ezagutu ditzagun haien zaporeak

Guztiok edan dugu noizbait, edo sarri, baso erdi bat pestizida, ekologikoak ez diren ardorik onenetan ere badaudelako. Gilles-Eric Seralini zientzialariak eta Jerome Douzelet sukaldariak dastatzaile jakitunei eta sukaldari ezagunei proposatu diete kalitate handiko ardoak probatuz daramatzaten botiken zaporeak aurkitu eta zehaztea. Liburu berri batean azaldu dute zein zapore daukaten edaten ditugun mama goxoen pozoi ohikoenek.


2018-04-27 | ARGIA
Erleak zorioneko daude: Europak pestizida nikotinoideak debekatu ditu

Beste xomorro asko hiltzearekin batera erleen galera masiboen errudunak direlakoan, Europar Batasunak onartu du debekatzea –aire zabalean– munduan gehien erabiltzen diren pestizidetako batzuk, neonikotinoide deituak. Urteotan presio kanpaina gogorra egin behar zian dute ingurumenaren aldeko ekintzaileek oraingo erabaki hau lortzeko.


2018-04-06 | Miren Osa Galdona
Ozeano Bareko zabor-irla Iberiar penintsula baino ia hiru aldiz handiagoa da

Mugarik gabe ari da hazten Ozeano Barean noraezean dabilen zabor kopurua. Hala berretsi du Nature aldizkarian argitaratutako ikerketak. Zabor-irla dagoeneko 1,6 milioi kilometro koadrokoa da eta barruan  80.000 tona plastiko izan ditzakeela kalkulatzen da.


Ongarri kimikoetan ere kutsatzaileak kutsadura kontrolatzen: Tejerina ministro espainiarraren kasua

Europako nekazaritza industrialak ongarri kimikoekin gehiegi kutsatzen duela eta Europako Batzordea hasi denean fosfatoek daramatzaten metal astunak mugatu nahian, Espainia atera da kontra. Kasualitatea? Ez dirudi: kutsaduraren kontrolak arazoak sortuko lizkiokeen Fertiberia industriaren buruetako bat da Isabel Garcia Tejerina nekazaritza ministroa.


2018-02-16 | ARGIA
Garraio publikoaren doakotasuna benetan eraginkorra ote da?

Garraio publikoa doan eskainiz gutxitu nahi dute aireko kutsadura Alemaniako bost hirik, tartean Bonn, Essen eta Mannheimenek.  Albisteak, ordea, txaloak bildu dituen moduan jaso ditu kritikak ere, itxura batean onurak baizik ekarri beharko ez lituzkeen estrategia honek porrot egin duelako herritarren mugikortasun ohiturak aldatzeko helburuan. Eszeptikook Estoniako hiriburu Tallinn aipatzen dute adibidetzat.


2018-01-30 | Andoni Mikelarena
Gizaki eta tximinoekin esperimentuak egin dituzte VW, Daimler, BMW eta Bosch auto ekoizleek

Diesel motorrek igortzen dituzten gasak ez direla osasunarentzat “uste bezain kaltegarriak” frogatu nahi zuten autogintzako hainbat enpresak. Horretarako hainbat herritar gela batean sartu zituzten diesel motorraren gasak arnasten zituzten bitartean telebista ikustera, The Guardianen irakur daitekeenez.


Azkenak
EGILEA
Eguneraketa berriak daude