Garraio eta funtzionarioen greba Ipar Euskal Herrian: lur, itsaso eta aire

  • Sektoreko zazpi sindikatu nagusik greba deitu dute Frantziako Estatu osoan administrazio publikoko langileen artean ostegunerako. “Ostegun Beltza” deituriko honek hainbat protesta batuko ditu Emmanuel Macron-en exekutiboa hartzen ari den neurriei kontra egiteko: funtzionarioak, garraio publikoko langileak eta pentsionistak.


2018ko martxoaren 22an - 09:41

Gobernuak administrazio publikoan egin nahi dituen murrizketak direla eta grebara deituta daude hezkuntza arloan eta osasungintzan, besteak beste. Denera estatu osoan 120.000 funtzionario postu desagertzea da frantziar gobernuaren asmoa.

SNCFko trenbide sarean ere eragina izango duela aurreikusi da. Macronek tren sarea liberalizatzeko hasi dituen urratsen kontra hainbat astetako mobilizazio bide-orri luzea planifikatu dute langileek. EiTBk iturri sindikalak aipatuz azaldu duenez baliteke aldiriko tren zerbitzurik eta abiadura handiko trenik (TGV) ez egotea ostegunean Ipar Euskal Herrian, eta aireportuetan ere hegazkinen hegaldiak arras gutxituko dira. Ostiralean berriz, Air Franceko langileak daude grebara deituta.

10.30etan Baionan mobilizazioa egingo dute SNFCko langileek eta funtzionarioek “ostegun beltzeko” greba eguna kari, Lan Burtsatik hasita.

LAB sindikatuak ere babestu ditu greba eta mobilizazio hauek: “LABek argi du Euskal Herrian Macronen erreformek ondorio latz gutxiago izan dezaketela behar bezala antolatzen bagara”. Zentzu horretan, sindikatuak eskatu du Euskal Elkargoak hainbat eskumen bereganatu ditzala garraio publikoan, hezkuntzaren eremuan eta osasungintzan.


Kanal honetatik interesatuko zaizu: Zerbitzu publikoak
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


2024-03-03 | Ula Iruretagoiena
Lurraldea eta arkitektura
Komunak

Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.

Pelikularen sinopsi zabalduan irakurri daiteke komun publikoetan garatzen dela... [+]


Amaitu da Gasteizko autobus zerbitzuko langileen greba mugagabea

Igande iluntzean bozkatu dute TUVISAko langileek udalaren azen eskaintza onartu edo ez. Eskaintza ez onartu eta grebari eustearen alde bozkatu du gehiengoak, baina, enpresa batzordearen lehendakariak azaldu duenez, “grebarekin jarraitzeko beharrezko portzentajera ez... [+]


Sektore publikoan hirugarren greba eguna deitu dute Araba, Bizkaia eta Gipuzkoan, "borondate politikorik ez dagoela" salatzeko

Hirugarrenez hilabete gutxitan grebara joko dute sektore publikoko langileek lan baldintzak negoziatzeko "borondate politikorik ez dagoela" salatzeko. Martxoaren 12rako deitu dute lanuztea ELA, LAB, CCOO, Steilas eta ESK sindikatuek. Oraingoan Satse sindikatua ez da... [+]


Eguneraketa berriak daude