Garoñak sute detekzioan akatsak dituela ohartarazi du Eguzkik

  • Garoñako zentral nuklearraren jabe den Nuclenorrek Segurtasun Nuklearraren Kontseiluari jakinarazi dio "0 mailako gertaera bat" izan dela zentralean. Adierazi dutenez, ez da zauriturik edo jario erradioaktiborik gertatu.


2015eko maiatzaren 19an - 12:38
Garoña ixteko eskatzen du Eguzkik. (Argazkia: Eguzki).

Eguzkik azaldu duenez, “maiatzaren 14an suteen detekzioa martxan jarri zen hondatutako konexio baten ondorioz, nahiz eta suterik ez zela baieztatu den”. Talde ekologistaren arabera “suteen detekzio sistema martxan jartzeak akats bat zegoela edo sistemak berak huts egin zuela esan nahi du, oso larria da hori zentral erradioaktibo baten kasuan”.

Apirilaren 16an urteroko simulakroa egin zen zentralean eta salatu dutenez, “ez dago emergentzia planik eta ezta ere ebakuatu beharreko milioi bat pertsonentzat planik”. Hartuko liratekeen neurriak sarrerak kontrolatzea, herritarrak ebakuatzea eta konfinatzea dira, jateko iodo tabletak banatzeaz gain.

Gertaeraren bat gertatuz gero, huts egin duen sistemak ohartarazi beharko luke akatsaz eta Eguzkiren ustez, arriskua handia da sistemak huts egiten badu. Horregatik, Garoña betirako ixteko eskatu dute.


Kanal honetatik interesatuko zaizu: Garoña
Enpresa publikoak eraitsiko du Garoña, 40 urtez Iberdrola eta Endesak ustiatu ondoren

Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]


Garoña eraisteko baimena eman du Espainiako Gobernuak

Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.


2022-12-19 | Hala Bedi
Garoñaren desegitea 2023ko ekainean hasiko da

Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.


2021-11-26 | Hala Bedi
Eguzkik alegazioak aurkeztu ditu Garoñaren desegitea "segurua eta gardena" izan dadin

Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]


2021-11-25 | Leire Artola Arin
Langile bat hil eta beste hiru zauritu dira Tarragonako zentral nuklear batean

Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]


Eguneraketa berriak daude