CSNko teknikarien lana "aitortu gabeko helburuetarako" erabili izana salatu dute

  • Espainiako Segurtasun Nuklearraren Kontseiluak (CSN) Garoñaren bizitza 2031ra arte luzatzeko baimena eman zuen otsailaren 8an; egun bereko iluntzean zabaldu zen zentralaren jabea den Nuclenorrek (Endesak eta Iberdrolak osatua) ez duela Garoña berriro martxan jartzeko asmorik. ASTECSN Kontseiluko teknikarien elkartearen ustez, “horrek indartu egiten du erakunde erregulatzailea aitortu gabeko helburuetarako erabilia izan delako tesia”.

Unai Brea @unaibrea
2017ko otsailaren 14a
CSNko teknikariek 30.000 lanordu eman dituzte Garoņako baimena luzatzeko eskaera aztertzen (Arg.: El Correo de Burgos)

Nuclenorren asmoak aspalditik vox populi ziren. Gero eta eragile gehiagok salatu dute Garoñaren bizitza luzatzeko tramiteak antzerki hutsa besterik ez direla izan, hemendik urte batzuetara, Espainiako gainerako zentralen baimenak agortzen hasten direnean, haiek luzatzearen aldeko aurrekari bat izateko.

Zentzu horretan, ASTECSNk uste du CSNko langileek Garoñaren espedienteari 30.000 orduko lana eskaini izana baliabide publikoen erabilera makurra izan daitekeela, “irekitzeko inongo asmorik ez zegoela susmatzen zen instalazio batez ari gara eta”.

Zentral guztien berritze prozedura aldatu nahi du CSNk

Horrez gain, ASTECSNK dio CSNk hainbat eskutitz bidali dizkiola Industria eta Energia Ministerioari –Espainiako zentral nuklear bakoitzeko bana, Garoña izan ezik– ustiapen baimenak berrizteko prozedura aldatzeko eskatuz. Gutunak otsailaren 7an bidali zituen CSNk, Garoñaren bizitza luzatzeari onespena eman baino egun bat lehenago eta, ASTECSNren ustean, Burgosko zentralaren inguruan sortutako zalaparta mediatikoa baliatuta.

ASTECSNen esanetan, CSNk ezarri nahi dituen aldaketen ondorioz zentral baten ustiapen baimena berritzeko ez litzateke beharrezkoa izango Segurtasunaren Aldizkako Errebisioa (SAE) egitea. Otsailaren bateko CSNren osoko bilkuran onartu zen, aho batez, ministerioari aldaketa eskatzea.

Praktikan, zentralen baimen luzapenak hamar urte baino gehiagokoak izateko atea irekiko luke arau berriak. Izan ere, halaxe egin du CSNk Garoñako zentralaren kasuan, nahiz eta araudi aldaketa onartzeke dagoen oraindik. Beste zentralekin gauza bera egiteko aukera lortu nahi du CSNk ministerioari bidalitako eskutitzen bidez, ASTECSNren hitzetan.

CSNri behar adinako gardentasunik gabe jokatzea leporatu dio, azkenik, ASTECSNk: “Hain segurtasun irizpide garrantzitsuak aldatzeko arrazoi ustez teknikoei buruzko informazioa ezin zaio ezkutatu gizarteari”.

Kanal hauetan artxibatua: Garoņa  |  Iberdrola  |  CSN  |  Espainiako Gobernua

Garoņa kanaletik interesatuko zaizu...
2017-03-17 | Unai Brea
Garoņa berriro ireki ez dadin "bere esku dagoen guztia" egingo duela esan du Eusko Jaurlaritzak

Jaurlaritzak eskura dituen tresna juridiko, politiko eta instituzional guztiak erabiliko ditu Garoñako zentral nuklearra berriro ireki ez dadin, Josu Erkoreka bozeramaileak Eusko Legebiltzarrean adierazi duenez. Hala ere, zuhurtziaz jokatu behar dela eta ezer baino lehen ahalik eta informazio gehien bildu behar dela gehitu du Erkorekak.


2017-03-14 | ARGIA
Eusko Legebiltzarra Garoņaren berrirekiera galarazten saia dadin nahi du EH Bilduk

Garoñako zentral nuklearra berriz irekitzeari Espainiako Segurtasun Nuklearraren Kontseiluak (CSN) emandako onespenaren aurka helegitea aurkez dezala eskatu dio EH Bilduk Eusko Legebiltzarrari. Mikel Otero legebiltzarkideak koalizioaren izenean azaldu duenez, Legebiltzarreko zerbitzu juridikoek auzia aztertu –EH Bilduren beraren eskariz– eta ebatzi dute CSNren erabakiaren kontrako bide judiziala hartzeko aukera badagoela.


Iberdrolatik deskonektatu

Gaindegiaren datuen arabera, 2014an Euskal Herrian 131.000 lagun energia pobrezian bizi ziren eta EAEko 87.000 pertsonak ezin zuten eduki etxea tenperatura  egoki batean. Herritarren lehen mailako behar bat pribatizatu eta negozio bilakatu izanak eragin du, besteak beste, 2003tik hona argindarraren prezioa bikoiztea. Iberdrola da energiaren salerosketaren pagotxaren onuradun handiena. Endesarekin batera Garoñaren jabea da.


2017-03-03 | Axier Lopez
Bilboko Iberdrola dorrea okupatu eta kontzertua egin dute barruan

Herritarrak "Iberdrolatik deskonekta daitezen" animatzeko, ostegunean 7ak aldera berrogei bat lagun Iberdrolaren Bilboko egoitzan sartu eta kontzertua egin dute. La Bamba abesti mexikar ezagunaren bertsioa jo bitartean dantzan aritu dira maskara koloretsu eta mozorroa jantzita. Hainbat herri mugimendutako kideek elkarlanean antolatutako lehen "kontzertu klandestinoa" izan dela azpimarratu dute.


2017-02-24 | Arabako Alea
Giza kate erraldoia egin dute Garoņa berriz irekitzearen kontra

Garoñaren kontrako foroak deituta, elkarretaratzea egin dute ostegunean Arabako Aldundiaren aurrean.


2017-02-23 | Unai Brea
Garoņa behin betiko ixteko eskatu du Espainiako Parlamentuak

Espainiako Diputatuen Kongresuko Energia Batzordeak Garoñako zentral nuklearra itxi eta eraisten hasteko plan bat abia dadila eskatu du otsailaren 22an egindako saioan. Horrez gain, zentrala dagoen eskualdea ekonomikoki berpizteko neurriak galdatu dituzte. Talde guztiek bozkatu dute alde, PPk izan ezik.


Rajoyk Garoņa ixtea proposatu dio EAJri aurrekontuak babestearen truke, 'Cinco Días'-en arabera

Cinco Días egunkariak zabaldu duenez, Mariano Rajoy Espainiako presidentea EAJrekin negoziatzen ari da, Garoñako zentral nuklearra ixteko, Estatuko Aurrekontu Orokorren babesaren truke. Aurrekontuen proiektua aurrera eraman ahal izateko beste alderdien laguntza behar dute popularrek. Informazioaren jatorri gisa, zehaztu gabeko iturri politikoak aipatu dituzte.


2017-02-19 | Juan Mari Arregi
Lemoiz ez, Garoņa ere ez

Euskal Herritik oso gertu dagoen Garoñako zentral nuklearraren egungo egoerak Lemoiz ixtearen alde izan ziren mobilizazio urteetara garamatza.


2017-02-10 | Juan Mari Arregi
Lemoiz ez, Garoņa ere ez

Euskal Herritik oso gertu dagoen Garoñako zentral nuklearraren egungo egoerak Lemoiz ixtearen alde izan ziren mobilizazio urteetara garamatzate. Helburu hura azkenean lortu zen. Basordako kalan jarraitzen du zementuzko munstroak deseraiki gabe, eta erokeria nuklear hura egin nahi izan zen erantzukizun faltaren eta ilegaltasunaren testigu isila da orain.


Garoņa "behin betiko" ixtea eskatu dute alderdi eta sindikatuek

Albiste garratza jaso zuten atzo goizean herritarrek: Espainiako Segurtasun Nuklearreko Kontseiluak onartu du Garoñako zentral nuklearra berriro irekitzearen aldeko eskaera. Prozesuaren hasiera baino ez da hau, baina erreakzio ugari sortu du albisteak: erabakiaren aurka azaldu dira ia talde parlamentario, alderdi eta sindikatu guztiak, baita talde ekologistak ere. Manifestazioa egingo da martxoaren 18an.


Azkenak
EGILEA
Eguneraketa berriak daude