Garazi Rodriguez: "Agente batek bortxatu eta hil egingo ninduela oihukatzen zuen"

  • Grande-Marlaska epaileari torturatua izan zela azaldu zion Rodriguezek, baina Madrilgo auzitegi batek artxibatu egin zuen. Kasua ikertzeko agindu du orain Auzitegi Konstituzionalak.


2016ko abuztuaren 19an - 12:28
Garazi Rodriguez donostiarra, atzo, Noticias de Navarrari elkarrizketa eskaini berritan. [Argazkia: Noticias de Navarra]

“Ostikoak ematen zizkidaten, ez zidaten atseden hartzen uzten eta orduro galdekatzen ninduten”. Garazi Rodriguez Segiko kide izatea egotzita atxilotu zuten 2009an, eta atxiloaldian bizitakoak kontatu dizkio Noticias de Navarrari.

Torturatua izan zen Rodriguez, 21 urte zituela: “Ostikoez gain, gela batean leher egin arte ibiltzera behartu, makurtuta egonarazi eta iletik heldu ninduten. Zazpi edo zortzi poliziaren aurrean ordu luzez biluzik egotera ere behartu ninduten. Agente batek, bortxatu eta hil egingo ninduela oihukatzen zuen, ukituak egin eta musuak ematen zizkidan bitartean”, zehaztu du. Bere burua erruduntzat jotzen zuen deklarazioa sinatu ostean amaitu ziren torturak.

Madrilgo komisaria hartan gertatutakoak Fernando Grande-Marlaska epaileari kontatu zizkion, baina hark “ea titiak ukitu zizkidaten soilik galdetu zidan”. Deklarazioa sinatu eta hiru egunera izan zen hori, eta han onartutakoak ukatu egin nizkion, torturapean sinatu nuelako”.

Handik hilabete batzuetara salaketa ipini zuen, baina Madrilgo auzitegi batek artxibatu egin zuen deklaraziorik hartu gabe: “Nire eskubideak urratu zituzten”, adierazi du Rodriguezek.

Alabaina, zazpi urte geroago kasua ikertzeko agindu du Auzitegi Konstituzionalak. Hala ere, “eszeptiko” dago Rodriguez: “Kasu asko eman dira, eta gutxi ikertu. Oraindik lan politiko handia dago egiteko torturaren gaian, eta erantzukizun asko dago hartzeko”.


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude