Garabien arriskua berretsi du Lan Ikuskaritzak eta segurtasun plana osatzeko eskatu die enpresei


ARGIA @argia
2018ko otsailaren 05a

Donostiako erraustegiaren obretan, eremu txikian elkarren ondoan ari diren garabiek, segurtasun aldetik gabezia nabarmenak zituzten. LABek Ikuskaritzan salaketa jarri zuen lehenik, eta obra gelditzeko eskatu zuen ondoren. Lan Ikuskaritzak obrara bisita egin zuenean frogatu zuen sindikatuak salatutako egoera eta enpresei eskatu die garabi hauek sortzen duten arriskurako neurriak aurreikustea.

Garabien afera, urratsez urrats

Honela kontatu du LABek erraustegiko garabien afera, lan segurtasunari lotua dagoena, prentsara bidali duen oharrean:

Abenduan obrara egindako bisita batean, LABek ikusi zuen garabiek ez zutela legeak dioena betetzen: lan eremu berean bost garabi ari zirela lanean. LABek salaketa jarri zuen Gipuzkoako Lan Ordezkaritzan, abenduaren 20an.

Urtarrilaren 10ean beste bisita bat egin zuen sindikatuak obrara, eta garabiek bere horretan jarraitzen zutela ikusteaz gain, anemometroek ez dutela funzionatzen ikusi zuten. Anemometroek haizearen indarra neurtzen dute, eta alarma bat pizten dute haize asko dagoenean. Hori dela eta, urtarrilaren 11n Lan Ikuskaritzan idatzia sartu zuen LABek berehalako arrisku larriagatik Zubietako errauskailuaren obra gelditzeko eskatuz.

LABek urtarrilaren 30ean jaso zuen erantzuna, Lan Ikuskaritzak urtarrilaren 24ko datarekin bidalitako idatzia. Zera adierazten du Lan Ikuskaritzaren agiriak: LABek salatutako egoera benetakoa dela eta enpresei dituzten hutsuneak konpontzeko agintzen die.

Lan Ikuskaritzaren arabera, segurtasun planean eta lan protokoloan hutsuneak zeuden

Lan Ikuskaritzak urtarrilaren 16an bisita egin zuen erraustegiko obretara, Osalaneko teknikariarekin batera. Neurri hauek hartzeko eskatu die "inplikatutako enpresei" (UTE CIVIL PVE aipatzen du Ikuskaritzaren dokumentuak):

1.-Obraren segurtasun planari eranskin bat gehitzea, aurreikusten duena bost garabi hauen ezarpena eta jarduera.

2.-Lan protokolo egokiak jartzea.

3.-Garabilariak informatzea aurreko hauetaz: segurtasun planaren eranskinaz, eta obrako segurtasun eta osasun koordinatzaileak onartutako lan protokoloez.

4.-Garabilari bakoitzari elkarrekin komunikatzeko gailuak jartzea, edozein egoerak sortzen badu garabien ekintza erradioen ikus-eremua murriztea, adibidez, pertsonak edo objektuak garabilarien ikus-eremuan sartu direlako, elkarri berehala komunikatu ahal izateko.

5.-Garabietan anemometroak errebisatzea.

Azken lerroan gehitzen duenez, telematikoki jaso omen du Ikuskaritzak berrespena, bai enpresaren eta bai obraren segurtasun koordinatzailearen aldetik, bete beharreko neurri hauek konplitu dituztela.

"Eraikuntzako langileen bizitzak gutxiago balio du mugitzen duten kargak baino"

LABek, atera dituen ondorioetan, inpunitatea azpimarratu du: "Zubietako errauste plantako obran, Gipuzkoako Foru Aldundiak sustatutako obra, ez da Lan Prebentzioko Legea betetzen, ezta beste segurtasun arau eta lan osasunekoak ere. Berriro ere, interes politikoak eta ekonomikoak langileen segurtasun eta osasunaren gainetik jartzen ari dira.

Eta hau tamalez gertatzen da arauak hausten dituenarentzat ondoriorik ez dagoelako. Enpresak eta euren beste obra batzuen arduradun politikoak, instituzioek, inpunitatez jokatzen dute. Badakite jarduteko era honek ez duela inolako ondoriorik. Lan Ikuskaritzak gertatutakoaren larritasuna onartu arren, ez dute inolako isunik jarri ere egin. Eraikuntzako langile baten bizitzak lanean mugitu behar duen kargak baino gutxiago balio du".

Lan segurtasunerako legeak ez betetzeaz gain, erraustegiko obran gainerako lan baldintzak ere ez direla betetzen adierazi du, eta obra hau ez dela kasu isolatu bat, sistematikoa dela. Gogora ekarri du, Donostiako Udaleko diru laguntza jasotzeko eskaera egiten duten fatxadak berritzeko obretan, ez da beharrezkoa izango Gipuzkoako Eraikuntzako Lan Hitzarmena betetzea, EAJ, PSE eta PPk hala erabaki baitzuten.

LABek dio ez duela onartzen eraikuntza “legerik gabeko sektorea” izatea: "Esplotazioarekin amai dezakegu eraikuntzan. Borondate politikoa badago, lan baldintza duinak bermatu daitezke eraikuntzan, baina langileen eskubideak aurrezki ekonomikoaren gainetik jarri behar dira".

Kanal hauetan artxibatua: Gipuzkoako erraustegia  |  LAB

Gipuzkoako erraustegia kanaletik interesatuko zaizu...
2018-05-21 | Miren Osa Galdona
Gaur egun hondakin gehiago beharko lituzke erraustegiak "bideragarria" izateko

Zubietako erraustegiak zeresana ematen jarraitzen du bere bideragarritasuna dela-eta. Egun Gipuzkoako foru gobernua osatzen duten EAJ- PSE-EE koalizioak, 2016an erraustegiak urtean 200.000 tona hondakin erretzeko gaitasuna izatea adostu zuen. Aurretik planifikatuta zegoen hondakin kopurua moldatu egin behar izan zuten, hiru urte lehenago Gipuzkoako Hondakinen Konsortzioak proiektu “neurrigabea” zela erabaki baitzuen. 2013an, 260.000 tonako ahalmena izatea aurreikusi zuen... [+]


2018-05-16 | Zero Zabor
Gipuzkoako zaborrak Bizkairako bidean: GuraSOS eta ELAren erreakzioak

Zalaparta sortu baitu Gipuzkoako zabor nahastuak Bizkaiko erraustegira eta zabortegi batera eramateko bi lurraldeetako agintariek daramaten negoziaketaren albisteak (ikusi Gipuzkoako 60.000 tona nahasi, Bizkaiko erraustegirako bidean… eta garestitzen) laster hasi dira –sare sozialetako iritzi ugariez gain– eragile sozialen erreakzioak ezagutzen. Lehenetakoak izan dira GuraSOS elkartea eta ELA sindikatua. Hona zabaldu dituzten idatziak:


2018-05-15 | Zero Zabor
Gipuzkoako 60.000 tona nahasi, Bizkaiko erraustegirako bidean... eta garestitzen

Mallabiako udalak ukaturik baimena Gipuzkoatik 60.000 hondakin nahasi bertako zabortegira eraman ditzaten, Bizkaiko Foru Aldundiak sartu du eskua operazioan eta Gipuzkoari bi aukera eskaini dizkio: edo tona horiek Zabalgarbiko erraustegira eramatea, edo zaborrok beste TMBren batean tratatu ondoren eramatea Bizkaira, beti ere bi operazioetako edozeinetan sortuko diren koste gehigarriak pagatuz.


2018-05-11 | Zero Zabor
Intxaurrandieta eta Errazkinen epaiketan, fiskaltzak ere 45 urteko kalte-ordainen eskaria berretsi du

Madrilgo Kontuen Auzitegian Iñaki Errazkinen eta Ainhoa Intxaurrandietaren kontra burutzen ari diren epaiketan, fiskalak bat egin du GHKren abokatuk haien kontra egindako kalte-ordainen eskariarekin: 45 milioi euro, horietatik 36,3 aurreko agintariek sinatutako swap kreditu toxikoengatik, Naiz-Garak aurreratu duenez.


2018-05-10 | Zero Zabor
Ia 10.000 sinadura bildu dituzte EITBn eztabaida gardena eskatuz

Andoaingo Ipar Haizea koordinadorak Change.org plataforman sustatutako sinadura kanpainak zehazki 9.568 sinadura zeramatzan bildurik maiatzaren 11ko 12:30etan. Errausketaren Aurkako Mugimenduak sinadura guztiak EITBko arduradunei entregatu nahi dizkie hilaren 17an, elkarretaratze publiko batez lagundurik, euskal irrati-telebista publikoari eskatzen baitio antolatzea erraustegiaren inguruko eztabaida publikoa.


2018-05-04 | Txintxarri
Hitzarturen lehen Gune Irekia egingo dute hurrengo larunbatean, Landaberri ikastolan
Hitzarturen lehen Gune Irekia egingo dute hurrengo larunbatean, Landaberrin.Herritarrak deitu dituzte hondakinen kudeaketari buruz eztabaidatzera. Egun osoan ahalik eta iritzi gehien bildu nahi dituzte, kontsentsuzko erabaki bat hartzeko

 

 

 


2018-05-03 | Usurbilgo Noaua
Erraustegiarentzako goi-tentsioko linearen aurkako sinadura-bilketa abiatu du Aire Garbiak

Zubietako erraustegia sare orokorrera lotzeko goi-tentsioko linearen aurkako agerraldia egin dute asteazken arratsalde honetan Lasarte-Orian, bertako Aire Garbia herri plataformak deituta. Eskaera bikoitza egin diote udalari. “Udalaren jabetzako lurzoruetan goi-tentsioko linea pasatzeko baimenik ez ematea eta erraustegia sare orokorrarekin lotuko duen 132 kV-ko goi-tentsioko linea egiteko obra lizentzia ez ematea”.


2018-04-26 | Zero Zabor
Urbaser eta FCC Zubietako pastela banatzen: inork ez ditu ikertuko -%25eko beherapen susmagarriak?

Espainian hondakinen merkatua konpainia handienen artean  adostuta elkarbanatzen dutela aspaldiko kontua da, auzitegiek isun handiz zigortua dute lehen ere Urbaser, ACS, FCC eta abarrez osatutako cartela. Zubietako erraustegiaren prozesua jarraitzen duenak, ordea, irudipena eduki dezake zaborren ugazaba handiok berdin jarraitzen dutela. Berrikitan FCCk Zubietako operazioan muturra sartzea nola lortzen ari den ikusi besterik ez dago.


2018-04-25 | Zero Zabor
Epaitegiak San Markoren 2016ko aurrekontuak baliogabetu ditu, Hernani, Oiartzun eta Usurbili arrazoi emanez

Espainiako Auzitegi Gorenak San Marko mankomunitatearen 2014ko aurrekontuekin egin bezala, EAEko Auzitegi Nagusiak 2016koak baliogabetu ditu, Atez Ateko bilketan ari diren Hernani, Oiartzun eta Usurbilgo udalei arrazoi emanez, hiru herrietako udal ordezkariek atzo prentsari zabaldu ziotenez.


Azkenak
EGILEA
Eguneraketa berriak daude