Gudari Egunaren harira, GALen eta errepresioaren biktimak omenduko dituzte larunbatean Hendaian. 11:30ean emango zaio hasiera ekitaldiari Beltzenia frontoian.
Biktimen senideek, prentsaurreko batean azaldu dutenez, hiru helbururekin antolatu dute omenaldia: senide eta lagunei babesa erakustea, egia osoa eskatzea, eta Frantziako eta Espainiako estatuak interpelatzea, "bereziki Frantzia, GALek bost urtez bertan egin zituen ekintzen aurrean ez zuelako ezer egin", adierazi dute.
“Oraindik ez dute onartzen hemen ere sufritu dugula eta kalte handia sortu zutela”, adierazi du Ane Muguruzak, Josu Muguruza zenaren alabak, GALen biktimei diru laguntzarik ez emateko Madrilek hartutako erabakiaren harira.
Frantzia eta Espainiako estatuek "min bakarraren existentzia” sinestarazi nahi dutela salatu du Xabier Arin errefuxiatuak. "Sufrimendu anitz dago, ordea", adierazi du. Espetxeratuak eta desagerraraziak dauden pertsonak gogoratu ditu Arinek, baita GALek hildako 30 lagunak ere: "Biktima guztiak oroitu nahi ditugu, eta egia exijitu. Zer gertatu zen urte horietan?", galdetu du.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]
Juan Alberto Belloch Espainiako Barne eta Justizia ministroa izan zen Felipe Gonzálezen agintaldiko azken urteetan. Elkarrizketa batean adierazi du Galindo "onena" zela "terrorismoaren aurkako borrokan", eta bere ideia izan zela Guardia Zibilaren... [+]
Prentsaurrekoa egin berri du Espainiako eta Frantziako Estatuen indarkeriaren biktimak biltzen dituen Egiari Zor fundazioak. GALek hildako Santi Brouarden alaba Edurne Brouardek eta Xabier Galdeanoren alaba Begoña Galdeanok egin dituzte adierazpenak. Espainiako Gobernuak... [+]
Espainiako Gobernuak gerra zikina egin zuela aitortu du José Barrionuevok, Felipe Gonzálezen PSOEren gobernuan Barne ministro izan zenak (1982-1988), El País egunkariari emandako elkarrizketa batean. Zenbait agintarik eta elkartek larritzat jo dute... [+]