'Galdutako objektuak', Mikel Zabalzaren inguruko dokumentala abian
30 urte igaro dira Guardia Zibilak Mikel Zabalza orbaizetarra Donostian atxilotu eta 20 egun geroago hilik agertu zenetik. Bere kasuarekin lotutako informazioa bildu nahi dute Galdutako objektuak dokumentalean, ezagutzen dutenei gogorarazi eta ezagutzen ez dutenei kasuaren berri emateko.
Ahotsa.info, Eguzki Bideoak, Piztu.info eta Filmotek-ek bultzatu dute proiektua, beste hainbat norbanakoren laguntzarekin. Zabalzaren kasuaz gain, historian Euskal Herrian izandako torturaren inguruan ere ariko da dokumentala.
Miguel Angel Llamas Pitu Ahotsa.info-ko kazetariak Info7n adierazi duenez, “memoria historikoa” egitea da dokumentalaren helburu nagusietako bat, “ez hanka ez buru ez duen” bertsio ofizialaren aurrean bestelako kontaketa egitea.
Zabalzarekin batera atxilotutako beste kideek tortura gogorrak salatu zituzten, eta Intxaurrondoko kuartelean bere oihuak entzun zituztela adierazi. Zantzu guztiek adierazten dute galdeketetan jasandako torturapean hil zela Zabalza.
Dokumentalaren izenburuak Zabalzaren ama komisaldegira semeaz galdezka joan zenean poliziek emandako erantzunari egiten dio erreferentzia: “Bila ezazu galdutako objektuetan”.
Katakrak Iruñako liburudendan egin dute proiektuaren aurkezpena, eta bultzatzaileek adierazi dutenez 2016ko irailerako amaitua egotea aurrikusten dute.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]