Galdeketa egin arte zezenketak gelditzeko eskatu dute Donostian

  • Donostia Antitaurina Orain plataformak eskatu dio Donostiako Udalari herri galdeketa egin arte zezenketak bertan behera utz ditzala “badaezpada”.


2017ko otsailaren 28an - 09:48
Donostia Antitaurina Orainek egindako protesta bat.

Ordura arte, Illunbe zezenketak egiteko ez alokatzea edo uztea galdegin dio plataformak Eneko Goia alkateari Udaleko Erregistroaren bidez bidalitako eskaeran.

Plataforma horrek iazko martxoaren 16an aurkeztu zituen galdeketa egiteko behar ziren 10.000 sinadurak. Baina oraindik ez dute galdeketa hori egin, “Udalari eta hiriari arrotz zaizkion kanpoko eragile batzuengatik”. Espainiako Gobernuak geldiarazita dauka galdeketa egiteko baimena, baina plataformaren iritziz, horrek “ez luke baldintzatu behar, de facto, gure Udalaren jarduna”.

Galdeketa gehiegi atzeratzen ari dela uste du plataformak, “guztion nahiaren kontra, Udala barne”. Espainiako Gobernuak martxoaren erdialdean eman behar du erantzuna. Horren ondoren, hiru hilabeteko tartearekin antolatu beharko litzateke galdeketa. Ordurako, aurtengo abuztuko zezenketen antolaketa oso aurreratuta egongo da.


Kanal honetatik interesatuko zaizu: Zezenketak
2023-09-06 | ARGIA
1.761 ekitalditan zezenak erabili dituzte Hego Euskal Herriko festetan

Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.


2023-07-05 | Ilargi Manzanares
Sanferminetako zezenketen aurkako protesta egingo dute gaur Iruñean

AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.


2023-06-19 | Ilargi Manzanares
Zezenketen aurka manifestatu dira ehunka lagun Bilbon

Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.


Donostiako Udalak zezenketak "laguntzen jarraitzen" duela salatu du Eguzkik

Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]


Eguneraketa berriak daude