Gaixotasun larriak dituzten presoen herrietako alkateek batzordea osatu dute
Batzordea osatu dute Lasarte-Oriako, Aguraingo, Hernaniko, Larrabetzuko, Ondarroako, Errenteriako eta Arbizuko alkateek. Larri gaixo dauden presoak dituzte herri horietan, eta indarrak batzea erabaki dute aske utzi ditzaten. Arbizuko alkate Miren Mendinuetak azaldu duenez, “kartzela ez da gaixotasun larria tratatzeko lekua”.
Azken hilabeteetan Xabier Lopez Peñaren eta Anjel Figueroaren heriotzek kezkatuta eratu dute batzordea, kasu horiek egoera “muturrekoa” dela erakutsi baitute, kideen ustez. Hernaniko udaletxean egindako agerraldian adierazi dutenez, nazioarteko nahiz Espainiako legediak presoen eskubideak errespetatzeko eskatzen dute.
Elkarrizketak izango dituzte alderdi politikoetako eta erakundeetako ordezkariekin, egoera aztertu eta konpromisoak adosteko. “Urratsak emateko garaia da, gatazka gainditzeak denon inplikazioa eskatzen baitu. Heldutasun politikoa erakutsi behar dugu”, adierazi du Mendinuetak.
Jaiki Hadi elkarteak jaso duen zerrendak larri gaixo dauden hamabost preso biltzen ditu. Horien artean, batzordea osatu duten herrietakoak.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.