G7aren bileran Errusiak ez du hitz egiten, baina Errusiaz hitz egiten da
Protesten artean egiten ari da G7aren bilera Alemanian. Munduko zazpi estatu boteretsuenak ari dira parte hartzen (AEB, Alemania, Kanada, Japonia, Frantzia, Erresuma Batua eta Italia).
Estatu horiez gain Jean-Claude Juncker (Europar Batzordeko zuzendaria), eta Donald Tusk, Europar Kontseiluko zuzendaria daude, baita Munduko Osasun Erakundeko eta Lanaren Nazioarteko Erakundeko (LANE) ordezkariak ere. Ez hala potentzia ekonomiko berriak, Txina, India eta Errusia adibidez.
Gailurreko gai nagusia aldaketa klimatikoa da, eta testuinguru horretan, Angela Merkel Alemaniako kantzilerrak hitz eman du gailur honek ekologian, osasungintzan eta emakumeen eskubideen alde emaitzak izango dituela.
Astelehenean Estatu Islamikoaren gaia, errefuxiatuen egoera eta aldaketa klimatikoa izan dituzte hizpide, baita lan baldintzak ere.
Gailurrean Errusia hizpide
Vladimir Putinek gobernatzen duen herrialdea ez egoteak kritikak eragin ditu Europako potentzia ekonomikoa den Alemanian bertan ere, SPDren eskutik.
Gailurrean Errusiaren aurkako santzioak ere zeresana ematen ari dira. Egoera horretan, Putinek Corriere della Sera egunkari italiarrari emandako elkarrizketan esan du ez daukala zentzurik Errusiari beldurra edukitzeak.
Putinek gobernatzen duen herrialdeak NATOri eraso egingo dion zurrumurruen aurrean adierazi du “soilik pertsona gaixo batek imajina dezakeela honelako zerbait”, Errusiaren politikak “izaera erasotzailerik ez baitauka”.
Nazioarteko 70 erakundetik gora biltzen dituen People Vaccine’s Alliance koalizioak aurkeztutako txostenak dio herrialde pobretuetako herritarren %1,3k jaso duela txertoaren dosi guztiak. Errudun jo ditu farmazeutikak eta herrialde aberastuenak, txertoak pilatzeagatik.
90 egunez 15 euroko isuna ordaindu beharko du 2018ko abenduan Miarritzen Lola Villabriga gaztea aurpegian LBD jaurtigailu batekin zauritzeagatik.
G7ko estatuek munduko 76 herrialde pobreenei kanpo-zorraren ordainketa atzeratzea onartu dute, diru hori koronabirusaren krisian erabili dezaten. Guztira 18.000 milioi euro dira atzeratu direnak. G20ko herrialdeek ere onartu dute atzerapena, eta ordainketa epea gehiago luzatu... [+]
G7ak adostu du neurria, eta G-20ak berretsi behar du orain. Atzeratutako ordainketen diruarekin pandemiari aurre egiteko neurriak garatzea da asmoa. Atzeratzea baino, zorra barkatzea da hainbat eragilek eskatzen dutena.