Fukushimako arrisku maila "larria" izatera igaro da ur isuriaren ondorioz

  • Fukushiman ur erradioaktiboa biltzeko tanke batean 300 tonako isuri oso kutsagarria aurkitu dute eta TEPCO konpainiak 1 mailatik 3ra igo du zentral nuklearreko alerta egoera, hau da, “gertakari larria” gisan deskribatu litekeena. Istripua gertatu zenetik egoera okerrenean da beraz.


2013ko abuztuaren 21an - 00:00
Azken eguneraketa: 2015-02-26 13:37:33

2011ko martxoko istripuaren ondoren itsasoko ur gazia erabili zuten erreaktoreak hozteko eta milaka tona ur kutsatu isuri ziren Ozeano Barera. Ondoren ur geza erabiltzen hasi ziren eta ur hori zentral inguruetan paratutako ehunka tankeetan gordetzen dute. TEPCOko zuzendari nagusi Masayuki Onok atzo prentsaurrean azaldu zuenez isuritako urak orduko 100 milisieverteko kutsadura du, zentral nuklearreko langile batek urte osoan jaso dezakeena halako bost.

Dena den, elkarte eta norbanako ugarik salatu dute Fukushimako zentralaren ur isuria askoz handiagoa dela, itsasoan egindako neurketetan erradiazio aztarnak aurkitu baitituzte. Abuztuaren 7an TEPCOk onartu zuen zentraleko sotoetatik egunero 300 tona ur kutsatu isurtzen direla oraindik itsasora. Konpainiak Fukushimako egoera kontrolpetik at duela-eta, Japoniako Gobernua zentralean zuzenean esku hartzeko aukera aztertzen ari da.


Kanal honetatik interesatuko zaizu: Fukushimako istripua
Fukushimako urak isurtzeak ez duela arrisku esanguratsurik adierazi dute aditu batzuek

Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]


Fukushima: istripua iraganean, kalteak bizi-bizirik eta soluzioak oraindik aurkitzeke

Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]


2023-08-23 | Ilargi Manzanares
Hasi dira Fukushimako ur kutsatuak itsasora isurtzen

Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.


Eguneraketa berriak daude