Fronte Nazionaleko egoitza miatu dute, ustelkeria kasu batengatik
Fronte Nazionaleko egoitza miatu du Frantziako Poliziak, “lan faltsuei” lotutako ikerketa batean. Ustez, Marine Le Pen alderdiko buruak Europako Legebiltzarreko diru publikoa desbideratu du bere langileei ordaintzeko. 300.000 euro itzultzeko agindu diote, baina uko egin du.
Susmoa da Fronte Nazionalak Eurolegebiltzarreko dirua erabiltzen duela enplegatuen soldatetarako, alderdiko buruei diru-sarrera handiak egiteko eta senideei ordaintzeko. Miaketaren berri –bigarrena ustelkeria kasuengatik– alderdiak berak zabaldu du, ohar baten bitartez. FNk ziurtatu du operazio honen helburua dela “hauteskunde kanpainaren funtzionamendu zuzena uhertzea”.
Polizia operazioa presidentetza hauteskundeetarako bi hilabete geratzen direnean gertatu da. Inkestek emaitza onak aurreikusten dituzte alderdi ultraeskuindarrarentzat, baina ustelkeria kasu gehien dituena da. Esanguratsuena 2015ekoa: FNko 23 eurolegebiltzarkidek kontratu faltsuak zituztela deskubritu zen.
Justiziak ikerketa bat abiatu du, FNk hauteskunde kanpaina guztietan ustez egindako finantzamendu ilegaleko kasuak aztertzeko, Marine Le Penek gidaritza hartu zuenetik. “Europako Legebiltzarrak jazartzen gaitu”, esan du hautagaiak. Le Canard Enchainé astekariak gogorarazi du Jean-Marine Le Pen alderdiaren sortzailea ere antzeko kasuekin lotuta egon zela, senide eta lagunak kontratatzeagatik.
Ustelkeria kasuak beste alderdietan
Fronte Nazionalari lotutako eskandaluak ez du zalaparta handirik izan Frantzian azkenaldian, LR alderdiko hautagai François Filloni lotutako ustelkeria kasuak eklipsatu egin du. Lider eskuindarrari diru publikoa desbideratzea eta gizarte ondasunen abusuen delituak egotzi dizkiote. Ustez, senideak kontratatu ditu.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]