Frantzisko aita santua klimaren eztabaida berotzera dator entziklika berriarekin

  • Aste honetan kaleratu behar du Vatikanoak Frantzisko aita santuaren entziklika berria, "Laudato Sii" (Goratua Zu) titulua darama, munduak bizi duen krisi ekologikoaren aurrean eliza katolikoaren dotrina markatuko duena.

Pello Zubiria Kamino @pellozubiria
2015eko ekainaren 16a
Frantzisko aita santua Filipinetara 2015ean egindako bidaian. Klimaren aldaketaz mintzatu zen bertan. (Argazkia: PRI)

Egunotan ari dira hedatzen tantaka Frantziskoren (Jorge Mario Bergoglio) entziklika berriaren zertzeladak eta osorik ezagutu aurretik piztu ditu erreakzio beroak mundu osoan. Aita santuak dei larria egingo du iraultza ekonomiko eta etiko baten alde, klimaren aldaketa katastrofikoaren eta handitzen ari den berdintasunik ezaren arriskuak saihesteko. Munduan (teorian bederen) katolikotzat jo daitezkeen 1.200 milioi jendeen buruzagitza dauka Frantziskok.

Entziklikila berriaren aurrerapen mamitsua The Observer igandekarian eskaini du John Vidal kazetari gaiotan adituak: "Explosive intervention by Pope Francis set to transform climate change debate". Alegia, Frantziskoren idatzi zalapartsuak klimaren aldaketaren inguruko eztabaida errotik aldatuko duela. "Aita Santuak dei egingo du gizadiak dagien naturaren ustiatze tiranikoa eten dezan. Bera izango ote da beroketa globalaren kontrako guduan egin beharreko jauzi berriaren liderra?", idatzi du Vidalek.

Oraingoz eta osteguna arte italieraz baizik irakur ez daitekeen "Laudatus Sii" (elizako ereserki baten izena eman dio Bergogliok bere agiriari, euskaraz "Goratua Zu" edo "Gora Zu Jauna" itzuli beharko genuke) entziklikaren aurrerapena gaztelaniaz irakur daiteke Infovaticana gunean: "Infovaticana les ofrece la Encíclica 'Laudato Sii’ tres dias antes de su publicación oficial por el Vaticano".

Vidalek oroitarazi duenez, ez da Bergoglio gaiotaz mintzatzen den lehenbiziko aldia. "Espero daiteke Papa argentinarrak errepikatuko dituela deiak txirotasunari eta naturari buruzko jokabideak aldatzeko. Gizarte mugimenduekin iaz egindako bilkura batean esan zuen: 'Diruaren ontasunean zentratutako sistema ekonomikoak derrigor hondoratu behar du natura hark beharrezkoa duen kontsumoaren erritmo zoroari eusteko. (...) Uste dut badela galdera bat geure buruei oraindik erantzun gabe daukaguna: ez al da gizadia bere burua hiltzen ari naturaren erabilera indiskriminatu eta tiraniko honekin? Kreazioa zaindu behar dugu, zeren eta hura suntsitzen baldin badugu, berak suntsituko gaitu gu. Ez sekula ahaztu hori'".

Iragarri bezain ausart eta zorrotza izango ote da azkenean Bergoglio-Frantziskoren hitza? Egunotan hasiko gara jakiten.

Kanal hauetan artxibatua: Eliza Katolikoa  |  Klima aldaketa

Eliza Katolikoa kanaletik interesatuko zaizu...
2018-05-09 | Amaia Lekunberri
12 urteko haur baten kontrako gehiegikeriengatik epaituko dute Sarramagnan apaiza Baionan

2016ko apiriletik akusaziopean dago Jean-François Sarramagnan apaiza, eta maiatzaren 11n epaituko dute.


2018-04-13 | ARGIA
Erlijiosoek ere Munillaren aurka egin dute

Gipuzkoako elizbarrutiko elizgizon, jarraitzaile eta erlijioso talde batek jakinarazi du Apezpikutzak zor handiak dituela Jose Ignacio Munillaren gotzainaren gestio okerraren ondorioz.


2018-01-24 | Arabako Alea
Fundazio ultrakatoliko batek Gasteizko NClic eta Kimba eskolak bere gain hartu ditu

Arenales Fundazioa da jabe berria, bere eskoletan sexuaren eta maila sozialaren araberako segregazioa egiten duena. Gasteizko NClic eta Kimba zentroek orain arteko eredua mantenduko dutela adierazi dute.


2018-01-05 | ARGIA
Aita Santuaren bisita dela eta protestak abiatu dituzte maputxeek

Temuco hiriburuko Garapen Indigenarako Erakunde Nazionalaren egoitza okupatu zuten dozenaka maputxek abenduaren 26an. Euren komunitatearen parte diren 7.000 lur hektarea itzultzeko eskatzen dute, lur horietan emango du meza Aita Santuak hil amaieran.


2017-12-20 | ARGIA
'Spotlight' filmaren atzean zegoen historia
Bernard Law hil da, Bostongo apaizen pederastia kasuak ezkutatu zituen artzapezpiku ohia

Bernard Law kardinal estatubatuarra Erroman hil da asteazken goizean 84 urterekin. Bostongo artzapezpikua izan zen eta eliza katolikoaren pederastia kasuak ezkutatzeaz akusatuta utzi zuen kargua. Duela bi urte film onenaren Oscar saria irabazi zuen Spotlight filmeak berriz ekarri zuen lehen lerrora eskandalua.


2017-11-29 | Euskal Irratiak
Alberto Barandiaran
"Gardentasuna falta da Elizak egindako sexu abusuen gaian, garbiki hitz egitea"

“Ez duzu abusatuko. Pederastia kasuak Euskal herriko Elizan”. Liburua hau plazaratu dute hiru kazetarik. Iñigo Astiz, Miren Rubio eta Alberto Barandiaranek. Alberto Barandiaran, goiz berriko gomita ginuen:


Juana Rivas, Sara Majarenas eta XXI. mendeko miserikordia etxeez

Michel Foucault eta enparauak irakurriz beti pentsatu izan dut Frantziako Iraultzaren ostean kontrola gorputzaren barneraino sartzeko mekanismo gisa antolatu zutela kartzela egitura osoa. Aurretik, zigor publikoa jasotzen zuten araua betetzen ez zuten horiek: urkamendia, eskua moztu lapurrei, borreroak plaza erdian… herritar guztiek zuten aukera espektakulua ikusteko, eta bide batez, agintariek ohartarazi egiten zieten herritar matxinatuei gizalegezko hiritar ez baziren ondorio horiek... [+]


Larreina go home!
MULTIMEDIA - Maritxu, nora goaz!?

Bilboko Hontzak konpartsaren txosnaren zentsura kasuari begira 9. saioan.


2017-08-25 | Uriola.eus
Hontzak Konpartsak Bilboko txosna ikusgarrienaren Kanpaia saria irabazi du

Bosgarren urtez irabazi du konpartsa anarkistak txosnen dekorazio dotorenaren saria. Eulia saria Sinkuartelentzat izan da, txosna guztien artean apainketa eskasena izateagatik.


2017-08-22 | Xalba Ramirez
Umorez erantzun dio Hontzak konpartsak "zentsura eklesiastikoari"

Umorez erantzun dute Hontzak konpartsako kideek astelehenean beren txosnako dekorazioa kendu izana. Agindu judizial baten ondorioz erretiratu du Ertzaintzak txosnan zeukaten “Vatikanoko Harategiak” instalazioa, “sentimendu erlijiosoak mintzen” dituelakoan.


Eguneraketa berriak daude