Frantziaren zor publikoaren %59 ez-legezkoa da

"Finantzak itxuraldatutako Errepublikaren plaza" ezarri diote zor publiko ez-legezkoaren salatzaileek Frantziako Estatuko zenbait plazari. (Argazkia: Attac).

2014ko maiatzaren 27an - 00:00
Azken eguneraketa: 2015-02-26 13:37:33

Zehazki, azken hogeita hamar urteotan Hexagonoko administrazioek metatu dituzten 1,950 bilioi euroko zorretatik, 600.000 milioi finantz erakundeek ezarritako interes tasa handiegiei dagozkie eta 500.000 milioi gehiago aberatsei eta konpainia handietako akziodunei egin zaizkien opari fiskalei.

Ekonomialariak eta finantzetan adituak daude CACren ikerlanaren atzean, tartean Michel Husson (Attac erakundekoa), Pascal Franchet (CADTM), Robert Joumard (Attac), Evelyne Ngo (Solidaires Finances Publiques), Henri Sterdyniak (Économistes Atterrés) eta Patrick Saurin (Sud BPCE).

Hauek azken balantzean argudiatu dutenez, "zorra handitu da Estatuak enpresa handiei eta familia aberatsei zergak barkatu dizkielako. Hain zuzen, estatuak Barne Produktu Gordinean (BPG) daukan parte hartea 5 puntuz jaitsi da azken 30 urteotan.

Estatuak dirutza horiek bereganatu balitu, gaur egun zor publikoa %24 txikiagoa litzateke, 488.000 milioi gutxiagokoa. Bestetik, interes tasa handiegiek 'elur-pilota' moduan eragin dute. Estatuak nazioarteko finantzen merkatuan dira biltzeko partez maileguak hartu balitu bertako herritarren eta bankuen artean, %2ko interes tasa erreal batean, gaur zor publikoa litzateke BPGren 29 puntuz txikiagoa, 589.000 milioi txikiagoa.

Attac erakundeak plazaratu ditu CACren ikerlanaren laburpenok ("59% de la dette publique est illégitime : stop à l’austérité!") justu Parisen Zorraren Festa ospatu behar den bezperatan. Joan den asteko ARGIAk azaldua du "'La fête de la dette', itotzen gaituen zorra irribarrez ulertzeko" kronikan.


Kanal honetatik interesatuko zaizu: Frantzia
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


2024-03-12 | Euskal Irratiak
Jacqueline Idiart
"1970eko hamarkadan milioi bat emaztek abortatzen zuten Frantzian legez kanpo"

Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.


Eutanasiari buruzko lege-proiektua jakitera eman du Macronek apirilerako

Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.


Frantziako Konstituzioak jasoko du "aborturako askatasuna bermatzea"

Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.


Eguneraketa berriak daude