Frantziako poliziak eragotzi egin dio argazkilari bati manifestazio baten berri ematea

  • Parisko Poliziak ez dio utzi Nnoman argazkilariari Parisko lan erreformaren aurkako protesten gunera sartzea, prefeturak hori galarazten zion agindua bertan behera utzi bazuen ere.

Ane Urkola Agirrezabala @irrikaz
2016ko maiatzaren 18a
Manifestazio ugari egin dituzte lan-erreformaren aurka Frantziako Estatuan.

NnoMan Frantziako argazkilariari jarritako betoa bertan behera utzi du astearte goizean Parisko prefeturak. Dena den, poliziek geldiarazi egin dute argazkilaria manifestazioen eremura sartzen hasi denean.

Bera bakarrik ez, poliziek berarekin batera zihoazen hainbat argazkilari ere atxiki ditu. Argazkilariaren arabera, ez du ezertarako balio izan prentsa akreditazioa eta prefeturak sinatutako agiria erakusteak.

Gainera, poliziek kaskoa, gasaren aurkako maskara eta begiak babesteko betaurrekoak kendu dizkie, argazkilariak salatu duenez.

Nnomanek adierazi du ez duela sinbolo bihurtu nahi, “nire lana egin nahi dut”. “Botilak eta gas negar-eragileak botatzen dituzte. Nire tresnak behar ditut, nire lana da”, azaldu du. Poliziak argi utzi dio ez diola plazara sartzen utziko eta “horrelakoa da bizitza” esanez bukatu da eztabaida.

Nnoman argazkilariak maiatzaren 14an jaso zuen Errepublika Plazara –Nuit Debout mugimenduaren muina– eta lan-erreformaren aurkako manifestazioak egiten ari diren auzoetara sartzea debekatzen dion agindua.

Aginduak argudiatzen du lan erreformaren aurkako manifestazio batzuetan hartu duela parte argazkilariak, eta manifestazio horietan polizien eta manifestarien arteko liskarrak gertatu direla.

“Salbuespenezko egoera Frantzian”

Poliziaren aginduak ez zuen epailearen oniritzirik. Salbuespenezko neurria da; izan ere, azaroko atentatuez geroztik, salbuespen egoera dago Frantziako Estatuan. Ekologistek, ekintzaileek eta abokatuek ere salatu dituzte horrelako jokabideak.

Argazkilariaren iritziz, “hedabideen presioak behartu ditu atzera egitera, bazekitelako hori egin ezean okerragoa izango zela”. Bestalde, poliziak iTeleri azaldu dio ez zekitela kazetaria zela atxilotu zutenean.

Gutxienez uztailera arte jarraituko du salbuespen egoerak Frantziako Estatuan. Ordura arte poliziak jarraitu ahal izango du manifestazioak debekatzen, baimen judizialik gabe etxeak arakatzen, edota etxeetan jendea atxilotzen, besteak beste.

Kanal honetan artxibatua: Adierazpen askatasuna

Adierazpen askatasuna kanaletik interesatuko zaizu...
2017-10-20 | Aiaraldea.eus
“Ez naute bakarrik espetxeratuko”
MULTIMEDIA - elkarrizketa

Alfredo Remirez Marañon txiolari amurrioarra espetxeratze aginduaren zain dago, urtebeteko kartzela zigorra bete beharko du dispertsio politika salatzeko ekintza bat egiteagatik.


2017-10-17 | Aiaraldea.eus
Alfredo Remirezi elkartasuna adierazi diote hainbat artistak

Alfredo Remirez amurrioarraren omenezko speak corner ekitaldia antolatu zuten Bilboko Bilbo Zahar auzoan urriaren 14an. Hainbat artista igo zen oholtzara: Kokein taldea, Lutxo Egia idazlea, Oihana Bartra bertsolaria... Beste batzuek bideoa bidali zuten: Los Chikos del Maizeko Negak, Estricalla eta Kop taldeek, besteak beste.


2017-10-05 | Anboto
Mural batzuen harira, Otxandioko Udala eta Estatuko delegazioa epaiketara doaz

Espainiako estatuak Euskadin duen delegazioak Ospital Kalen dauden pintada bi garbitzeko eskatu zion Otxandioko Udalari orain hile batzuk. Pintada batean tortura salatzen da eta, bestean, euskal preso eta iheslarien euskal herriratzea eskatzen da.


2017-10-05 | Andoni Mikelarena
Munduan espetxeratuta dauden kazetari guztien erdia Turkian daukate

Urtebete baino gehiago pasatu da Turkian estatu golpe saiakera izan zenetik. Orduz geroztik, informazio eskubideari egindako murrizketak salatu izan dituzte nazioarteko eragile ugarik. 100 komunikabidetik gora itxi eta 161 kazetari espetxeratu dituzte gutxienez. Munduan espetxeratuta dauden kazetari guztien erdia Turkiako espetxeetan dago egun.


2017-09-29 | Aiaraldea.eus
"Argi daukat kartzelan sartuko nautela"

Alfredo Remirezek (Amurrio) urtebeteko kartzela zigorrari aurre egingo dio 2005ean sakabanaketa salatzeko panpina ateratzeagatik herriko jaietan. Hala azaldu du Halabediko elkarrizketan. Atzo haren aldeko mozioa onartu zuen Amurrioko Udal Osoko Bilkurako gehiengoak, gaur 20:00etan manifestazioa egingo dute herrian. Bilbo Zaharrean, aldiz, 20:30ean izango da elkarretaratzea.


2017-09-29 | Hala Bedi
"Presoen alde edo egia bakarraren aurka egiten dugunon kontrako herra berezia dute"

Alfredo Remirez amurrioarrari urtebeteko kartzela-zigorra ezarri diote 2005ean euskal preso baten kartoizko panpin bat ateratzeagatik. Sare sozialetan @erreharria izenez ezaguna, zigor horrek eragindako sentimenduez eta adierazpen askatasunaz hitz egin digu Alfredok Araba Hizpide magazinean.

 


2017-09-26 | Aiaraldea.eus
Helegitea ukatuta Alfredo Remirez espetxeratzea erabaki du Espainiako Auzitegi Nazionalak

2009an Amurrioko txupinazoan preso baten panpina ateratzeagatik espetxeratzeko erabaki irmoa hartu du Espainiako Auzitegi Nazionalak. Urtebeteko zigorra betearazi nahi diote.


2017-09-03 | Jabi Zabala
"Internetek ez du informazioa demokratizatu, desinformazioa baino"

Hedabideak izan dira Pascual Serranoren (Valentzia, 1964) lantoki eta aztergai. Rebelión agerkari digital aitzindariaren sortzaileetakoa izan zen 1996an eta Telesur telebistaren aholkulari aritu zen Latinoamerikako kanalaren hastapenetan. Sektorearen aztertzaile zorrotza, hedabide handien manipulazio tekniken eta interes ilunen salaketa egin du liburu ugaritan. Azkenaldion, baina, interesgarria deritzon enpresa eredu berrien sorrera aztertu du Serranok. Doako albiste interesatuak... [+]


Larreina go home!
MULTIMEDIA - Maritxu, nora goaz!?

Bilboko Hontzak konpartsaren txosnaren zentsura kasuari begira 9. saioan.


2017-08-25 | Xalba Ramirez
Dogan Akhanli idazle turkiarra askatu du Espainiako Estatuak

Aske utzi du Fernando Andreu epaileak Dogan Akhanli idazle turkiar-alemaniarra. Joan den astean atxilotu zuen Espainiako Poliziak, Turkiako lehen ministro Erdoganen kontrako iritzia zabaltzeagatik.


Azkenak
EGILEA
Eguneraketa berriak daude