Frantziako Parlamentuan Euroituna berresteko lege proposamena onartu dute

  • Frantziako konstituzioak Europako Hizkuntza Gutxituen Ituna berrestea ahalbidetuko lukeen aldaketa bozkatu dute Asanblada Nazionalean. 361 diputatuk bozkatu dute alde eta 149k kontra Kazeta.info-k informatzen duenez eta horrenbestez lege proposamenak barnebiltzen zuen konstituzioaren moldaketaren aukera mahai gainean da.

Frantziako Asanblada Nazionalean gaur bozkatuko da Euroitunaren onarpena (argazkia: Richard Ying / Tangui Morlier)

2014ko urtarrilaren 28an - 00:00
Azken eguneraketa: 2015-02-26 13:37:33

Duela astebete izandako eztabaidaren hurrengo pausoa zen bozketa. Parlamentuak onartuta, senatuan aztertu beharko litzateke gaia, eta ondoren Frantzia osoan erreferendumera deitu.

Azken aukera hauxe saihestuko litzateke, halere, gobernuak aldaketa proposamena bere egin eta lege xede bihurtuko balu. Bidean aurrera egin dezan, diputatuek eta senatariek bildu egin beharko lukete Versaillesen, eta hiru bostenek aldeko botua eman.

Euskalgintzaren jarrera

Euskalgintzako eragileek bozkatuko duten testuko neurri mugatzaileak salatu dituzte. Dagoen bezala Frantziako Konstituzioan sartuko balitz atzerapauso nabarmena litzateke: hizkuntza eskubideak ukatzeaz batera, eragileak frantsesez egitera behartzen baititu.

Gobernuak aurkeztuko duen testua beste bat izango dela jakinarazi dute proposamena aurkeztu duten diputatuek. Ikusteko daude oraindik bai azken testua, bai hori gauzatzeko epeak.


Kanal honetatik interesatuko zaizu: Euskara Ipar EHn
Ikasle euskaldunek Frantziako Legebiltzarrean euskaraz ikasteko eskubidea aldarrikatu dute

Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]


2024-02-04 | Bea Salaberri
Alde egin ala deus ez

Udaberrian, Iparraldeko Hizkuntz Politika Publikoa berrituko da: hortik, datozen urteetako norabideak, asmoak eta horien zerbitzuko jarriko diren dirutzei buruzko erabakiak hartuko dira eta horretan jarrera argia hartu beharko dute eskualdeak, departamenduak, estatuak eta Euskal... [+]


2023-12-29 | Euskal Irratiak
"Asto bat 13 ardi gibeletik": Beskoitzeko ikastolako burasoen mezua

Azukrerik gabeko ikatza banatu die Olentzerok asteartean, Beskoitzeko ikastola, herriko lurratik kanpo ezartzearen alde bozkatu duten Beskoitzeko 14 hautetsiei. 100 bat lagun bildu dira herriko etxe aintzinean, ekintzaren sustengatzeko.


2023-12-18 | ARGIA
Ipar Euskal Herriko instituzioei euskararen aldeko politika ausartak eskatu dizkiete, 2050erako euskaldunak %30 izatea lortzeko

Euskara 2050ean Ipar Euskal Herrian jardunaldia egin dute larunbatean Kanbon, eta Euskal Konfederazioak hizkuntza politika ausartak galdegin dizkie Ipar Euskal Herriko instituzioei. Pisu guztia euskalgintza sozialaren gain utzi beharrean, plangintza politiko bat egiteko eskatu... [+]


Eguneraketa berriak daude