Kolonialismoaren aztarnak: 2.500 militar bidaliko ditu Frantziak Malira


2013ko urtarrilaren 15an - 00:00
Azken eguneraketa: 2015-02-26 13:37:33
Frantziak militar gehiago bidaliko ditu Malira.

Dagoeneko 600 militar daudela jakinarazi du defentsa ministerioko bozeramaileak. Horiei gehituko zaizkie orain bidaliko diren beste 1.900. Momentuotan militar frantziarrak bakarrik daude baina AEBk, Erresuma batuak, Alemaniak, Kanadak eta Espainiak laguntza logistikoa emango dutela adierazi dute.

Espainiako Kanpo Arazoetarako Ministro José Manuel García-Margallok esan duenez, “Espainia prest dago bere auzokide europarrei laguntzeko Nazio Batuen erabakia aintzat hartuta”. Bere esanetan, Frantziak pentsatzen zena baino arinago jokatu behar izan du “muturreko indar islamistek” herrialdearen iparraldea beraien menpe hartua baitzuten.

Kolonialismoaren aztarnak

Maliko interbentzioa keinu "hipokrita" gisa definitu du Giampaolo Calchi Novati nazioarteko ikerlariak Il Manifeston argitaratu duen artikuluan. Azaldu duenez, Mali huts egindako estatu bat da eta interbentzioak ez du lagunduko egoera hobetzen.

Gainera, Al Kaeda "aitzakia" besterik ez da interbentzioa zuritzeko: "Sahara tuaregen erreinua da eta zehatzago, berebere herriarena, legezko eta legez kanpoko merkataritzan jarduten duena, antzinako karabanen bideetatik. Hiriak eta nekazaritza bereizgarri dituzten hirien inguruan eraiki diren estatuek ezin dute jasan nomaden bizimodua... Mugak ziurtagiria dira batzuentzat eta oztopoa besteentzat".

Calchi Novatik dioenez interbentzio militarrak arrisku nagusi bat dauka: eskualdeko indar matxino guztiek bat egitea. "Bonbardaketei kontrajarritako negoziazioek helburu gisa zeukaten Azawadeko estatua aldarrikatu zuten mugimendu independentistak banatzea zuzenean edo zeharka Al Kaedarekin lotuta dauden erakunde islamikoetatik". 


Kanal honetatik interesatuko zaizu: Azawad
Malik eta tuaregek presoak trukatu dituzte bake elkarrizketen aurretik

Maliko gobernuak eta Azawadeko tuaregek presoak trukatu dituzte bake elkarrizketen bezperan, borondate oneko keinu gisa.


Maliko Gobernuak guda deklaratu die berriz ere errebelde tuaregei, Frantziaren laguntzarekin

Gutxienez zortzi hildako izan dira Maliko armada eta gehienbat tuaregek osatzen duten MNLAren arteko borroketan, Kidal izeneko herrian (ikusi mapan non dagoen). Maliko Lehen Ministroak Azawadera egindako bisita batek lehertu du aurretik ere bero zegoen gatazka. Iturri... [+]


2013-04-10 | Martin Vicioso
Frantziako armada Malitik ateratzen hasi da

Frantziako Gobernua Malin destinatutako soldaduak etxeratzen hasi da. François Hollande presidenteak esandakoa bete du, tropak apirilean herrialdea uzten hasiko zirela adierazi baitzuen. Ehun batek jada utzi du Mali, eta uztaila bitartean besteak etxeratuko dira. Hala... [+]


2013-02-21 | Jon Torner Zabala
Malin eta Azawaden okerrena etortzeko dago

Azawad hartzea parterik errazena zen. Orain, Maliko estatuak, gerrillarien erasoei, ‘Tuaregen arazoari’ eta zatitutako gobernua izateak sortzen dituen eragozpenei egin beharko die aurre, Imad Mesdoua analista politikoak The Guardian-en idatzi duen moduan.


Eguneraketa berriak daude