Frantziako agintariak mutu "arrisku handiko bozaldiaren" aurrean

  • Frantziako hedabideen atentzioa bereganatu du katalanen bozaldiak. Espainiako poliziaren jarrera bortitza eta bozkatu nahi duten herritar baketsuen jarrera agertu dituzte. Frantziako agintariak mutu daude. Benôit Hamonen sozialistaren hitzak dira salbuespen bakarra orain arte.


2017ko urriaren 01an - 13:27
Frantziako politikarien iritzi eza begi-bistakoa da, halaber, analista politikoen ikuspuntuak hutsaren hurrengoa dira hedabideetan.

Frantziako presidente izateko PSko hautagai Benoît Hamonen hitzetan “Katalunian, Europaren bihotzean, jendeen boz ematea galarazteko bortxakeria zentzugabea eta mehatxagarria da”.

Hamon bera da orainokoan Katalunian gertatzen ari denari buruzko iritzia eman duen politikari frantses bakarra. Bere azalpenak kontrastatzen dituzte Espainiako sozialistek goizean izan duten isiltasunarekin.

Frantziako politikarien iritzi eta jarrera eza begi-bistakoa da, halaber, analista politikoen gogoetak eta ikuspuntuak hutsaren hurrengoa dira hedabideetan.

Hedabideak oro har, egunkari nagusiak barne, gertatzen ari denaren irudiak zabaltzen ari dira. Adi-adi ari dira, harriduraz, bi aldeekiko distantzian, modu zuhur eta neurtuan. LCI telebista kateak “arrisku handiko bozaldi”-tzat jo du Katalunian bizitzen eta gertatzen ari dena.


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude