Frantziak ETArenak ziren armak eman dizkio Espainiari
Espainiako hedabideetan zabaldu den berria da: Frantziak ETAri hartutako armak eta dokumentazioa entregatu dizkio Espainiako Gobernuari. Frantziako medioetan ez da hainbeste zabaldu berria. Alta bada, bake eta normalizazio prozesua Frantziako eskutik doa.
Espainiako EFE agentziaren arabera, materialen entregak talde armatuaren krimenen ikerketa bultzatuko du. Materialaren barnean dokumentuak daude, eta orotara 50 inguru dira Frantziako justiziak bideratutako sumarioak.
Sud-Ouest egunkariaren arabera, El Mundo egunkariaren informazio iturria baliatuz, armategia eta dokumentu hauei esker, 300 bat gertakari argitu liteke. EITBk erran duenez, Espainiako Barne Ministerioak Memoire vivante izena jarri dio operazioari. Gasteizen dagoen Terrorismoaren Biktimen Memorialaren esku jarriko omen dute materiala.
Ministerioaren beraren berbetan, ETAren ziren armak gaur entregatu badira ere, Espainiako presidente Mariano Rajoyk eta Frantziako presidente ohi François Hollandek operazioa orain urte bat adostu zuten.
Anartean, Euskal Herriko bake eta normalizazio prozesua Frantziako Justizia Ministerioren eskutik doa.
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Xabier Atristain eta Juan Manuel Inziarte euskal presoak Martuteneko espetxera itzuli ziren joan den martxoaren 13an, Auzitegi Nazionaleko Espetxe Zaintzak haien hirugarren graduei fiskaltzak jarritako helegitea onartu ondoren.
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Etxera bidea gertu lelopean manifestazio bateratua egingo dute Sarek eta Bake Bidea-Bakegileek, pandemiagatik bi urtez mobilizazio jendetsu hori egin gabe egon ostean. “Duintasuna eta bizikidetza lortzeko itxaropena” ere izango dituzte aldarri, euskal presoen... [+]