Frantzia iparraldeko Calais hiriko etorkinen kanpamentua husten hasi dira
Calaiseko kanpamentua husten hasi da Frantziako Gobernua. 6.000 pertsona baino gehiago mugitu nahi ditu aste batean, etorkin kanpamendutik Frantziako harrera zentroetara.
6.000 migratzaile eta errefuxiatu baino gehiago bizi dira Calais (Frantzia) hiriko kanpamenduan, Erresuma Batutik 40 kilometrora. Horren utzaraztea abiarazi dute astelehen honetan Frantziako agintariek.
Goizeko 6:00etan irten da lehenengo autobusa, Calaisetik harrera zentroetara bidean. Guztira 145 autobus antolatu ditu Frantziako Gobernuak, astebetean kanpamendua guztiz husteko. Horietatik 60 bete nahi ditu astelehenean, bakoitza 50 pertsonarekin.
Hustuketa gorabehera barik egiten ari da. Igande gauean, aldiz, istiluak izan ziren migrante eta poliziaren artean. Horien lekuko izan ziren hainbat kazetarik poliziaren jarrera salatu dute, gas negar eragilea erabili baitzuten kanpamenduko etorkinen kontra. Protestak ekiditeko asmoarekin, 2.000 polizia bidali ditu Frantziako Gobernuak bertara.
Migratzaile eta errefuxiatuetako batzuk pozik azaldu dira Calaiseko oihana uzteagatik. Beste hainbat, aldiz, ez. Mantxako kanala gurutzatzeko nahia mantentzen dute askok.
Zuzeneko irudiak ematen ari da RT telebista errusiarra.
Argazki galeria segidan.
.jpg)
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]