Frantzia eta Espainiako Estatuek diote koordinatuta daudela euskal presoen gerturatzearen auzian
Joan den larunbatean, urtarrilak 13, euskal presoak Euskal Herritik gertuen dauden espetxeetara gerturatzen hasiko dela jakinarazi zuen Parisek. Madrilek dio erabaki horren jakitun zela, nahiz eta gaur gaurkoz Espainiar Estatuak ez dituen gerturatuko.
Espainiako Gobernuak dio bazekiela Frantziak datozen asteetan euskal presoak gerturatzen hasteko asmoa zuela. Ez du erabaki horren aurka egin Madrilgo exekutiboak, nahiz eta Espainiako Estatuan, gerturatzearen ideia “hipotesia” ere ez den egun.
“Espainiako agintariekin era koordinatuan ari gara lanean”, Frantziako Justizia ministerioko bozeramailearen adierazpenak jaso ditu Mediabaskek. Antzeko adierazpenak egin ditu Juan Ignacio Zoido Espainiako Barne ministroak Vocento taldeko hedabideei eskaini dien elkarrizketan.
Espainian euskal presoen gerturatzearen inguruan eman daitezkeen pausoez galdetuta ez du ezer argirik adierazi Zoidok. Gaur gaurkoz Espainiako Estatuan EPPK-ko kideek egin dituzte gerturatze eskaerak, banan-banan ukatzen ari da Espetxe administrazioa.
Foro Sozialak duela pare bat aste iragarri zuen uda aurretik espero dutela ETAren behin betiko desmobilizazioa. Horren ondoren Espainiako Gobernuak eman ditzakeen pausoen inguruan ez du argitasun handirik eman barne ministroak. Espetxe legedia aldatzea aipatu du elkarrizketan “modernizatu eta egokitzeko”.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]