Frankismoko testigantzak jasotzeko bulegoa, zabalik Iruñean
Testigantzak jasoko ditu. Frankismo garaiko biktimena, errepresioa jasan zutenena eta egunerokoan kalteak pairatu zituztenena.
Frankismoaren errepresioari buruzko Oroimen Historikoaren informazio bulegoa da Mercaderes kaleko hamaikagarrenean gaurtik aurrera zabalik izanen dena. Testigantzak jasoko ditu. Frankismo garaiko biktimena. Errepresioa jasan zutenena eta egunerokoan kalteak pairatu zituztenena.
Horretarako lan taldea hasi da lanean. Arreta gunean pertsona bat izanen da eta testigantzak jasotzen, biltzen eta klasifikatzen beste bi lagun. Guztiak dira Nafarroako Unibertsitate Publikoko memoria historikoaren ikerketan adituak.
Iruñeko alkatea, Joseba Asiron izan da gaur bulego berria ezagutzen. Gainerako alderdi politiko guztietako zinegotziak ere bai, UPNkoak izan ezik. Asironek nabarmendu du Argentinako Kereilan aurrera egiteko eta memoria historikoa osatzeko baliatuko dutela aukera berria.
Lehen hitzorduak, prest
Atzotik jendea hurbiltzen ari da bulegora. Hitzorduak ere banatu dituzte eta lehen testigantzak grabatzeko materiala prest dute. Herritarren etxeetara joateko prest ere badaude, badakitelako asko adinduak izanen direla.
Bulegoa zabalik da gaurti aurrera: 9:30etatik 13:30etara eta 17:00etatik 19:00etara. 948 22 02 03 eta fondo.memoriahistorica@unavarra.es
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]