Frankismoaren aurkako kereila masiboak etor daitezkeela iragarri du Carlos Slepoy abokatu argentinarrak

  • Giza Eskubideen aldeko borrokan lanean diharduen Carlos Slepoy abokatu argentinarra elkarrizketatu du Deia egunkariak. Frankismoko biktimen abokatua da, tartean Jesus Muñecas guardia zibilak bortizki torturatu zuen Andoni Arrizabalagaren familiarena. Krimen frankisten aurkako kereilak “masiboki” aurkezteko baldintzak daudela adierazi du, eta lehenak Euskal Herrian izan daitezkeela Jesus Muñecas eta Antonio Gonzalez "Billy el Niño"-raurka.


2014ko irailaren 01an - 00:00
Azken eguneraketa: 2015-02-26 13:37:33
Carlos Slepoy gurpildun aulkian da 1982an gazte batzuk defendatzera joan eta polizia espainiar batek tiro egin zionetik. (Arg.:nodo50.org)

Azken hilabeteetan, frankismoko biktimen prozesuan gertaera garrantzitsuak jazo dira Slepoyren ustetan. Muñecas eta “Billy el Niño” torturatzaileen aurkako atxilotze agindu internazionala, kasu. Nahiz eta Espainiako Auzitegi Nazionalak estradizioa baztertu, atxilotze agindu gehiago ekarriko dituela dio Slepoyk.

Espainiako Estatu osoan kereilak aurkezteko hainbat abokatu lanean ari direla esan du, gertaerak ikertzeko prest dauden epaileengana iristeko. "Espainian ez dago frankismoko biktimarik gabeko herririk”, azaldu du. Kereilak milaka izan daitezkeela adierazi du baina aurrera egin ahal izateko jende askoren, erakundeen eta abokatuen inplikazioa behar dela.

Hilabete barru Euskal Herrira etortzekoa da Slepoy. Bisitaren helburuetako bat, Muñecasen kontra Azpeitiko epaitegian aurkeztu dezaketen salaketaz bertako lankideekin hitz egitea izango da.

Aurrerapauso esanguratsuak

Maria Servini epaile argentinarra krimen frankistak ikertzeko Espainian egon izana eta hainbat testigantza batzea aurrerapen esanguratsutzat jo du abokatuak; bere esanetan, “Espainiako epaile gehienen ikertzeko borondatea azaleratu zuelako”. Halaber, Felix Padin frankismoaren biktimak 98 urterekin aurrenekoz epaile aurrean deklaratu izana, aurrekari gabeko aurrerapauso handia dela esan du.

Oraina ulertzeko, iragana kontuan izan behar dela azpimarratu du Slepoyk. Zauriak desagertu ez, baina sendatu, gizarteak gaia konpontzean baino ez direla egingo dio. Abokatu argentinarraren esanetan, “ahaztea kriminalak babestea da”.


Kanal honetatik interesatuko zaizu: Frankismoa
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


Frankismoak errepresialatutako emakumeen izenez jantziko dira Txantreako karrikak

Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.


Tefia, homosexualak zigortzeko eremua

Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]


Frankismoko bunkerrak
Hormigoizko orbainak Pirinioetako mugan

1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]


Eguneraketa berriak daude