Francisco Franco Fundazioko zuzendariordea da Jaime Alonso Garcia. “Terrorismoa epaitzeko konponbide bakarra” heriotza zigorra dela adierazi du elkarrizketa batean, eta frankismoaren aspektu batzuk “aplikatu beharko liratekeela” gaur egungo Espainiako Estatuan.
Frankismoaren fusilamenduak justifikatu ditu Jaime Alonso Garciak, El Mundo egunkariak azaroaren 19an argitaratutako elkarrizketa batean. Bertan azaldu duenez, “Erregimenak ez zuen apetaz fusilatzen”. Hilketa horien bidez “kriminalak epaitu” egin zirela esan du, eta heriotzara kondenatuta zeuden 36.000 pertsonetatik, “23.000 besterik ez” zituztela fusilatu, “zifra barregarria, Italian edo Frantzian gertatutakoarekin alderatuta”.
Horren harira, Memoria Historikoaren Legearen helburua duela 80 urte galdutako guda irabaztea dela adierazi du, “gorrotoaren eta mendekuaren bidez”. Eta euren senideen gorpuak bilatzen aritzen direnek “gaia handizkatu eta helburu politiko jakin batzuekin manipulatu” dutela.
Horrez gain, “barkamena eskatzen lehenengoak errepresaliatuak” izan behar dutela gaineratu du, “sistemaren kontra borrokatu izanagatik”. Bere ustez, Frankismoaren aspektu garrantzitsu batzuk aplikatu beharko lirateke gaur egungo Espainiako Estatuan. Modu horretan, gobernuak bere legea ezartzeko “autoritate osoa” izango lukeela adierazi du, “inork ez luke autoritate hori eztabaidan jarriko”, eta “legea betetzen dela ziurtatzeko boterea edukiko lukete Justiziak eta Estatuko Indar Armatuek”.
Donald Trumpen garaipenari eta Marine Le Penen gorakadari dagokienez, adierazi du Frantziako eta Ameriketako Estatuak Espainiakoa baino “helduagoak” direla, eta “manipulatzen zailagoak”. Le Pen ere boterera heltzea espero duela azaldu du, eta Trumpen “heldutasuna” Espainiako Estatura heltzea.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]