Fracking Ez taldeak haustura hidraulikoaren aurkako mobilizazio erraldoia iragarri du: Subilla Gasteizen egingo den kanpaldia. Frackanpada izena edukiko du. Deitzaileek adierazi dute nazioarteko ekimena izango dela, eta Europako hainbat talderen sostenguarekin antolatuko dutela.
Halaber, Subillako herritarren babesa jaso dutela azpimarratu dute, besteak beste beren lurretan kanpatzeko baimena eman baitiete. Hain zuzen, fracking bidez Euskal Herrian egitekoak diren lehen putzuen kokalekua aukeratu dute antolatzaileek.
Frackingaren aurkako borrokak interes duten guztien esperientziak eta ideiak elkarrekin partekatzeko gunea izatea nahi dute. Hala, kanpaldiaren egitaraua zehaztu gabe dago oraindik.
Nahi duen edonork proposamenak egiteko eskatu dute; horien bidez osatuko da Frackanpada. Proposamenak egiteko epea maiatzaren 4ra arte dago zabalik.
Azkenik, Frackanpadaren informazio guztia bilduko duen webgunea aurkeztu dute: http://frackanpada.frackingez.org/eu.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]