Frackingaren aurkako hainbat seinale kentzeko agindu du Bizkaiko Aldundiak

  • Herri sarreretan Fracking Gabeko Udalerria dioten seinaleak kentzeko agindu die Bizkaiko Foru Aldundiak Sopelako eta Nabarnizeko udalei. Itziar Garamendi Herri Lan eta Garraio diputatuak adierazi du aipatutako udalek ez dutela bete seinale berrien kokapenari buruzko araudia.


2015eko otsailaren 10an - 15:19
Sopelako seinaleetako bat, kokapen berrian (Arg.: Sopelako Udala).

Otsailaren 6ko Herri Lan eta Garraio Sailean, Garamendik azpimarratu zuen udalek ipinitako seinaleek uniformeak izan behar dutela, eta ezin dutela izan Espainiako Errepide Zuzendaritza Nagusiaren Katalogoak bildutakoen desberdinak.

Halaber, Garamendik azaldu zuen kentzeko agindu duten frackingaren aurkako seinaleak baimen barik jarri zituztela udalek.

Gutxienez Nabarnizek eta Sopelak jaso dute Aldundiaren agindua. Bietan ere, seinaleak Aldundiaren menpeko eremutik kendu eta herriko beste gune batzuetan kokatu dituzte.

Efe agentziaren ohar batek zabaldu zuen Fracking Gabeko Udalerria errotulua kentzeko agindu jaso zuena Aulesti izan zela. Bertako udal iturriek adierazi digutenez, seinaleak kentzeko agindua jaso dute, bai, baina ez frackingari buruzkoak, Udalbiltzaren ereduaren araberako ongi etorri seinaleak baino.


Kanal honetatik interesatuko zaizu: Frackingaren arriskua
Gas naturalaren dilema Herbehereetan: prest gaude Groningen hobia ixteko?

Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]


2021-08-27 | Arabako Alea
Gasteizen gasa esploratzeko helegiteari eutsi dio Eusko Jaurlaritzak

Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.


2020-12-23 | Z. Oleaga
Armentia-2 putzuan gasa dagoen ikertzeko baimena ukatu du Gasteizko Udalak

Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.


2020ko uda hartan COVID-19a zabaldu zen, klima zoratu... eta fracking-ak porrot egin zuen

COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]


Eguneraketa berriak daude