Forondako aireportua 24 orduz irekitzeko prest azaldu da AENA
Operadoreen eskariarekin eta aireportuko langileekin izan beharreko negoziaketarekin lotu dute aukera hori.
Espainiako aireportuen kudeaketaz arduratzen den AENA ez da azalduko Foronda 24 orduz irekitzearen aurka, enpresako kontseilari nagusiak astelehenean adierazitakoaren arabera.
Forondako aireportua 12 orduz irekita dago orain. Enpresako kontseilari nagusi Jaime Garcia-Legazek esan du AENAk egoera hori ahalbidetuko duela, aireko operadoreen eskaria egonez gero, eta langileekin akordio bat lortzen bada. Garcia-Legazen arabera, AENA "oztopo" ez baina "bideratzaile" izango da, "horretarako baldintzak daudenean".
Garcia-Legazek esan du AENAk inork baino interes gehiago duela horretan, trafiko gehiago egoteak tasen handitzea ekarriko lukeelako. Horren aurka egotea "zentzugabea" litzateke, kontseilariaren arabera.
Iñigo Urkullu lehendakariak asteburuan eskatu du aireportua 24 orduz irekita egotea, Bruselak Gasteizko aireportuan Mugaz Gaindiko Ikuskaritza postua jartzeko aukerari oniritzia eman ondoren. Beste behin ere, lehendakariak EAEko hiru aireportuen gaineko eskumenak Jaurlaritzaren esku egotea eskatu du.
Albiste hau Aleak argitaratu du eta CC-by-sa lizentziari esker ekarri dugu ARGIAra.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.