Filma egingo dute Gasteizko martxoaren 3ko sarraskiari buruz eta aktore bila ari dira

  • Gasteizen 1976ko martxoaren 3an poliziak hildako langileei buruzko filma errodatuko dute Victor Cabacoren zuzendaritzapean.

Gorka Bereziartua Mitxelena @boligorria
2017ko uztailaren 06a
1976ko martxoaren 3ko irudi bat: poliziak negarra eragiteko gasa erabili zuen langileak elizatik atera eta tirokatzeko (argazkia: martxoak3.org).

Euskal Herrian 1970eko hamarkadan Espainiako Poliziak egindako sarraski gogoratuenetako bat da. Zaramaga auzoko Asisko San Frantzisko elizaren barruan bilduta zeuden milaka langileren kontra eraso egin zuten indar armatuek negarra eragiteko gasak erabiliz, batzartutako pertsonak eraikinetik kanpora atera zitezen.

Elizatik ateratzen ari zirela poliziak tirokatu egin zituen langileak. Gerora jakin zenez, 2.000 tiro baino gehiago disparatu zituzten eta bost lagun hil: Pedro Maria Martinez Ocio, 27 urtekoa, Forjas Alavesas lantegiko langilea; Francisco Aznar Clemente, 17 urtekoa, okindegi-langilea eta ikaslea; Romualdo Barroso Chaparro, 19 urtekoa, Agrator enpresako langilea; Jose Castillo, 32 urtekoa, Grupo Arregui taldeko enpresa bateko langilea; eta Bienvenido Pereda, 30 urtekoa, Grupos Diferenciales enpresako langilea. Beste 150 pertsona ere zauritu zituen poliziak egun hartan.

Maiz ekarri dira gogora gertakari haiek erreportaje, liburu eta dokumentaletan. Orain berriz, film luzea egiteko asmoaren berri dagoela informatu du Hala Bedi irratiak. Sonora Estudios ekoiztetxearen proiektua da eta, Hala Bedik jakin duenez, “datozen egunetan” casting bat egingo dute, filmeko protagonista izateko gazteak aukeratzeko. 18 eta 22 urte arteko mutil eta neska banaren bila ari dira proiektuaren arduradunak, filmeko protagonistak izateko –aktore profesionalak izan daitezela eskatzen dute–.

Interesatuentzat, e-posta helbide bat publiko egin dute, hautagai izan nahi duenak bere ezaugarrien berri eman dezan: txabe.atxa@gmail.com da helbidea.

Aktoreak aukeratzeko saioak datozen asteetan egingo dira Gasteizko Arte Eszenikoen Tailerrean (Errege-erregina Katolikoen kalea 4). Castingaren zuzendaria Txabe Atxa izango da, zeinak Errementari filmean ere lan bera egin duen.

Kanal hauetan artxibatua: 1976ko martxoaren 3a  |  Zinema  |  Gasteiz

1976ko martxoaren 3a kanaletik interesatuko zaizu...
Sediziogile batek kideko sediziogile batzuei: gutun irekia Jordi Sanchez eta Jordi Cuixarti

Sedizioagatik inputatu zaituztetela jakin nuenean, astindua hartu nuen. Oroitzapenek 40 urte atzera eraman ninduten, 1976ko martxoaren 9ra. Egun hartan, Puerta del Soleko ziegetan atxilo geundela, prozesamendua jakinarazi ziguten nire kide eta lagun Jesus Navesi eta bioi. Sedizioa leporatzen ziguten, Gasteizko grebetan izan genuen parte hartzea zela eta (bost hilabete beranduago kaleratuak izan ginen, 76ko abuztuko amnistia dekretuaren ondorioz). Zenbat denbora, zenbat desberdintasun, zenbat... [+]


"A por ellos"

Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri oso bat atera zen kalera. Katalunian ere egungo erregimena kinkan jarri du prozesu independentista transbertsal eta zabalak.


"A por ellos"

Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri osoa atera zen kalera 1976an.  Katalunian ere egungo erregimena kinkan jarri du prozesu independentista transbertsal eta zabalak.


2017-10-12 | ARGIA
'Agur 78' ekimenak Katedral Berriaren plaza hartu du Gasteizen

"Erregimena hausteko" ekimena martxan jarri dute Gasteizen eta akanpada antolatu dute Katedral Berriaren plazan, 1976an hildako langileak agurtu zituzten tokian bertan.


Bertsio ofiziala kalean borrokatzen da

Gasteizko tour politikoak elkarri lotuta dauden garai eta agertokiak ditu ardatz, nola Lauaxeta-ren fusilatzea edo 1976ko langile sarraskia. Herri-tresnatzat dute ibilbidea Martxoak 3 elkartekoek, Frankismoaren krimenak desitxuratzeko “estatu estrategiaren” aurrean. Urriaren 7ko ARGIA Egunean ezagutu ahal izango dituzu kaleari konkistaturiko memoriaren espazioak.


2017-09-20 | ARGIA
Urriaren 7an, Oroimenaren eta Euskararen zutabeak Gasteizen

ARGIA Eguneko goizeko egitarauan zita garrantzitsu bat izango duzu: Gasteiz borrokalari eta euskalduna ezagutzeko ibilbide gidatuak. Eman izena eta hartu parte kalea oroimenarentzat konkistatzeko operazioan.


Bertsio ofiziala kalean borrokatzen da

Gasteizko tour politikoak elkarri lotuta dauden garai eta agertokiak ditu ardatz, nola Lauaxeta-ren fusilatzea edo 1976ko langile sarraskia. Herri-tresnatzat dute ibilbidea Martxoak 3 elkartekoek, Frankismoaren krimenak desitxuratzeko “estatu estrategiaren” aurrean. Urriaren 7ko ARGIA Egunean ezagutu ahal izango dituzu kaleari konkistaturiko memoriaren espazioak.


2017-09-14 | Arabako Alea
Martxoaren 3ko filmaren grabaketa urrian hasiko da

'Vitoria, 3 de marzo' filma egiteko 1,5 milioi euroko aurrekontua dute; 18 aktorek parte hartuko dute.


2017-09-01 | Hala Bedi
Igandean egingo dute Martxoaren 3ko filman parte hartzeko castinga

Hurrengo hilabeteetan grabatuko duten filmak 17 eta 65 urte bitarteko herritarrak behar ditu estra paperak egiteko.


2017-06-30 | Xalba Ramirez
Martxoaren 3ko biktimak eta Martin Villa aurrez aurre: "Oroitzen al zara Gasteizez?"

Eva Barroso eta José Luis Martínez Ocio martxoaren 3an hil zituzten bi langileren anai arrebak  kasualitatez topatu dira Martin Villarekin Espainiako Kongresuaren kanpoaldean. Hamar minutuz hizketan egon dira, eta langileak hiltzea gaizki egon zela esatea eskatu diote ministro frankista ohiari.


Azkenak
EGILEA
Eguneraketa berriak daude