Igandetik Santa Ifigenia hilerria da Fidel Castroren errautsek deskantsu hartuko duten lekua. Habanatik Santiagorako bidea egin ondoren, Castroren errautsak hilerriko granitozko monolito batean hobiratu dituzte.
Komandanteak 1959an iraultzaren garaipena aldarrikatu zuen hirian hilobiratu zuten senide eta gertukoen azken agurrarekin. “Fidel” dio errautsak kokatu diren lekuan dagoen plakak. Castroren errautsetatik gertu Kubaren independentziaren alde egiteagatik bizia galdutakoen gorpuak daude hilobiratuta, tartean Espainiaren aurkako Independentzia Gerran hildakoak. Hilobietan loreak jarri dituzte gonbidatuek, tartean José Martíren hilobian, Fidel Castroren ideien inspirazio izan zen Martí.
Ekitaldian, Raul Castrok jarri zituen anaiaren errautsak monolitoaren barruan, ondoren Kubako ereserkia entzun eta bertan zeudenek arrosa zuriak utzi zituzten hilobiaren aurrean.
Raul Castrok hartu zuen hitza azken agurra emateko eta Kubako Iraultzak lorturiko aurrerapenak izan zituen hizpide. Fidelek, sozialismoa oinarri hartuta, aurrera egitea posible dela erakutsi izana gogoratu zuen.
Estatuburuak ez ezik, beste hainbat mugimendu eta federazioetako kideek ere hartu zuten hitza. Kubako Emakumeen Federazioko kideak iraultzak “emakumeak duindu” dituela azaldu zuen, eta nekazarien ordezkariak lurrak itzuli eta hezkuntza eta osasun zerbitzuak guztienagana iritsaraztea eskertu.
Gonbidatuen artean Boliviako Evo Morales eta Venezuelako Nicolas Maduro presidenteak eta Lula Da Silva eta Dilma Rousseff Brasilgo presidente ohiak egon ziren.
Granmak argazkien bidez eman du ekitaldiaren berri:
(Arg.: Juvenal Balán, Estudios Revolución eta Eduardo Palomares)
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]
Habanan egindako elkarrizketa baten bigarren atala izan liteke hau. 2011ko ekainaren 19an ARGIAren orrialdeetan mintzatu ginen Holguineko (Kuba) gotzainarekin. Francok estatu-kolpea jo zuen garaian Legazpiko alkate Daniel Arangurenen eta Emilia Etxeberriaren semea dugu, gurasoen... [+]
Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.