Bilgune feministak Euskal Herriko jai ereduen inguruko “Festa dezagun gaurdanik geroa” dokumentala ekoitzi du. Festetan emakumeen parte hartzea eta jai ereduen inguruko gogoeta feministetatik abiatu dira lana osatzeko. Horretarako, hainbat herritako talde nahiz norbanakoren bizipenak oinarri hartu dituzte: Irun eta Hondarribiako alardeak, San Ferminak edo Baztango mutil dantzak kasu. Bestetik, orain arte gizonezkoen gune ia esklusiboak izan diren herri kirol, rock musika eta bertsoen munduan normaltasunaren bidean ematen ari diren pausuak jaso dituzte dokumentalean.