Fernando Sota tafallarra atxilotu du Guardia Zibilak, euskal presoen argazkiak jartzeagatik urtebeteko espetxe zigorra bete dezan.
Ezkutuan zegoen Sota apirilaren 14tik, eta ostiralean bere alde Tafallan ehunka pertsonak egin zuten manifestazioan agertu zen. Bertan atxilotu zuen poliziak.
Naiz-en argazki galeria dago ikusgai eta Ahotsa.infon manifestazioaren eta atxiloketaren irudiekin bideoa osatu dute:
Urtebeteko zigorra presoen argazkiak jartzeagatik
2011ko urrian Ines del Rio eta Josu Bravo presoen argazkiak Tafallako kaleetan jartzeagatik urtebeteko kartzela zigorra ezarri zion Espainiako Auzitegi Nazionalak Sotari, argazkiokin "terrorismoa goratzea" egotzita.
Bi urteko zigor eskaera izan ohi da akusatua kartzelaratzeko gutxieneko epea, baina Concepcion Espejel epaileak tafallarra kartzelaratzeko agindua eman zuen apirilean. Ordutik ezkutuan zegoen Sota. Arrazoiak bideo batean kaleratu zituen:
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.