Uste baino askoz jende gutxiago, errepresio poliziala eta atxilotuak. Alberto Pradilla Garako kazetariak Felipe VI.a Espainiako Erregearen koroatzea gertutik jarraitu du eta ikusitakoaren kronika egin du Info7 Irratian.
Bere aitarena bezalako koroatze jendetsua aurreikusten zuten baina ez zen hala izan: “Felipek bi ibilbide egin zituen. Lehenengoa oso azkar egin zuen, oso jende gutxi zegoelako. Bigarrenean jende gehiago zegoen, baina asko turistak ziren”.
Antzeko zerbait ikusi zen Oriente plazan ere Felipe Borboikoa familiarekin han bildutako jendea agurtzera atera zenean: “Plaza erdizka beteta zegoen”.
Madrilgo Udalak boluntarioak kontratatu zituen espainiar banderatxoak banatzeko jendearen artean, baina ez zuten lortu guztiak banatzea, Pradillaren arabera soberan izan zituzten.
Edozein sinbolo errepublikar saihesteko presioa azpimarratu du Garako kazetariak: “Kontrol polizialak zeuden ibilbidera sartzeko, eta boluntarioek bandera errepublikarrik ikusten bazuten poliziari abisua emateko agindua zuten”.
Errepresioaren adibide izan da Gran Vian gertatutakoa: “Talde batek bandera errepublikarra atera du eta poliziak 40 minutuz baztertu ditu”. Eta horrez gain, 3 atxilotu ere egon dira. Horietako bat segizioa pasatzen zen bitartean “Gora Errepublika!” oihukatzeagatik eraman du poliziak.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.
Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.
Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]