FCCk Gasteizko garbiketa zerbitzua uzteko erabakiaren atzean zer dago?

  • FCCk eta GMSM-k osatutako aldi baterako enpresa elkarteak Arabako hiriburuko garbiketa zerbitzuarekin segitzeari uko egin dio. Orain Gasteizko Udalak lizitazio berria kaleratu beharko du, baina oposizioak eta ustelkeriaren kontrako ADI elkarteak susmagarritzat dute mugimendu hori, konpainia erraldoia berriz aurkeztu baitaiteke askoz baldintza hobeagotan.

ARGIA @argia
2018ko apirilaren 12a

2023 urtera arte indarrean egon arren, FCCk utzi egingo dio Gasteizko kaleak garbitzeari. Eraikuntza enpresari jadanik ez zaio hain errentagarri ateratzen zerbitzua, berrikitan Euskadiko Aholku Batzordean hainbat gastu bere gain hartu behar dituela ebatzita: urtean 1,7 milioi euro gehiago.

Udalak lizitazio berria aterako du –bitartean FCCk jarraituko du hiriburuko kaleak garbitzen– baina konpainia berriz aurkeztu ahal izango da lehiaketara eta irabazteko aukerak ere baditu, eta irabaziko balu, aurreko adjudikazioak eragindako zama ekonomikoa gainetik kenduko luke.

Aukera hori erabat "lizuna" iruditu zaio oposizioko indar nagusi den EH Bilduri. ADI ustelkeriaren kontrako elkarteak ere bere iritzia azaldu du Twitterren, zerbitzu beragatik gasteiztarrek FCCri "orain garestiago" pagatu behar izango diotela eta aurreko legealdietan egin zituen ustezko irregulartasunak ikertu gabe daudela esanez:

Bestaldetik, Gasteizko Zero Zabor taldeak abagunea aprobetxatzeko eskatu du, Europako araudiak birziklatzearen inguruan esaten duena betetzeko lizitaziorako baldintza-pleguetan zehaztu dadin: “FCCk zerbitzua utzita, zabor-bilketan hobekuntzak egiteko aukera zabaltzen da”, esan dio Hala Bedi irratiari.

Duela gutxi eztabaida sortu da kale-garbiketa Gasteizko Udalak bere gain hartzearen inguruan –Euskal Herriko beste zenbait tokitan, Hernanin kasu, egin duten moduan–. EH Bildu eta Irabazi alderdiak horren alde daude, baina Gorka Urtaranen gobernuak zerbitzua berriz ere esternalizatu eta azpikontratatzearen hautua egin du.

 

Kanal hauetan artxibatua: Hondakinen kudeaketa Araban  |  Gasteiz

Hondakinen kudeaketa Araban kanaletik interesatuko zaizu...
2017-06-14 | Hala Bedi
Gasteiz Zero Zabor
"Azken hamar urteetan birziklatze mailak berdin jarraitzen du, %21aren bueltan"

Gasteiz Zero Zabor elkarteko Dani Zuazagoitia eta Josu Aranbarri kezkatuta daude Gasteizko birziklatze mailekin. Beren ustez, oso datu txarrak dira: %21 inguru berziklatzen da, hondakinen %80-90 inguru birzikla daitekeenean. Zuazagoitiak horrela dio: “Gasteizen dauden azpiegitura eta bilketa sistemek ez dute uzten birziklatze plan eraginkorrik egiten.”


"Erakutsi sortzen duzun zarama eta esango dizut nor zaren"
MULTIMEDIA - erreportajea

Zarama gure garaiko ikurra da, Sistemaren eraginkortasunean hutsune bat da; desagerrarazi behar den zerbait. Erakutsi sortzen duzun zarama, eta esango dizut nor zaren.

Udalaren datuen arabera, Gasteizen %23 baino ez dugu birziklatzen gaur egun. Azken 6 urteotan aldatu ez den ehunekoa. Zer gertatzen da gainontzeko %77arekin? Bota egiten da. Non? Gardelegiko zabortegian.

Zero Zabor filosofia eta estrategia bat da aldi berean. Helmuga eta mezu bat. Zerbait ezin bada berrerabili, konpondu,... [+]


Sertego Interenvases: nola kiskali fabrika bat eta ondoren langileak kaleratu

Duela hiru aste Araian suak hartu zuen enpresako zuzendaritzaren arduragabekeria bikoitza da: kutsadura arriskuari orain gehitu behar zaio langileak kalean utzi nahi dituela.


2016-05-06 | Arabako Alea
Hondakin organiko dena konpostatzeko plana proposatu du Gutxisolo Elkarteak Trebi˝un

Ekimenarekin bat egiten duten Trebiñuko bizilagunen babesak jasotzen ari dira une honetan, eta aurki proposamena aurkeztuko dute udalbatzan.


Txupinazo batek sortutako zaborrak neurtu dituzte Gasteizen

Arabarrak haserretzeko beldur izan ez bagina, titulatu genezakeen Zeledonek goardasolaz gain tona mordo bat zabor lurreratu duela bere etorreran.


2015-05-11 | ARGIA
Gasteiz Zero Zabor talde berria aurkeztu dute

“GREENdu zure zaborra! Murriztu ezazu ala baliabide bihurtu” darama goiburu maiatzaren 7an bere burua aurkeztu duen Gasteiz Zero Zabor talde berriak.


Azkenak
EGILEA
Eguneraketa berriak daude