Kolonbiako presidente Juan Manuel Santosek bart baieztatu du bere Gobernuaren eta FARC-en artean sekretuan egin dituzten hurbilketen ostean, gatazka armatua amaitzeko saioa egingo dutela. Gobernuaren egoitzatik eta herrialdeko telebista nazionalaren bidez emandako adierazpenean esan du bost hamarkadaz luzatu den gerrari amaiera eman nahi diotela.
Santosek ez du xehetasun handirik eman eta ez du eperik jarri, baina esan du "datozen egunetan" informazio gehiago jendarterako dituztela. Hainbat hedabidek argitaratu dute urrian has daitezkeela elkarrizketak Kuban edo Norvegian. Hasierako bileretan bi aldeen erraztaile gisa Venezuelako presidente Hugo Chavez ibili dela ere argitaratu dute zenbaitek.
FARC bake elkarrizketa batzuetan sartu zen azken aldia 1999an izan zen eta 2002an hautsitzat eman zituzten.
"Iraganeko akatsetatik ikasiko dugu", esan du Santosek huts egin duten saioei erreferentzia eginez. "Edozein prozesuk gatazkaren amaiera ekarri behar du, eta ez honen luzatzea".
Horrez gain, herrialdeko bigarren gerrila talderik handiena den ELNk Reuters berri agentziari jakinarazi dio bat egingo dutela bake elkarrizketetan. Santosek ongi etorria eman dio talde honi ere, bi aldeek adostutako printzipioetan hitz egiteko prest badago.
FARC 1964 urtetan sortu zen Hegoameriketan garai hartan zabaltzen ari zen mugimendu iraultzailearen barnean. Borroka armatuaren bitartez Kolonbiako eskuineko gobernuari guda deklaratu zion. Beren burua anti-inperialista (AEBek zazpi base militar dituzte Kolonbian), anti-kapitalista eta mugimendu bolivarianoaren partetzat du. Herrialdearen errotiko demokratizazioa, giza eskubideak bere osotasunean bermatzea eta lurraren erreforma dira beren eskakizun nagusietako batzuk. Kolonbia hegoaldeko zona menditsua kontrolatzen dute gehienbat. Gatazkak, 5 milioi desplazatu eragin ditu azken urteetan, gehienak nekazari eta indigenak.
Informazio gehiago:
Santosen agerraldia Kolonbiako telebista nazionalean.
Chávez bizirik zegoenean bere figurarekiko atxikimendua sekulakoa zen herri venezuelarraren sektore oso zabal batean. Chavismo hegemonikoa zen, ikuspegi soziopolitiko batetik zein emozionaletik ere. Venezuelako sektore apalen artean, baita ekonomikoki hobeto zeuden beste... [+]
Chavismoa eta oposizioa protesta egitera irten dira Venezuelako kaleetara eta hiru hildako eta hamarnaka zauritu eta atxilotu izan dira. Oposizioak Nicolas Maduro presidenteak kargua uztea eskatu du eta Gobernuaren aldekoek, aldiz, hura defendatu eta estatu kolpe saiakera salatu... [+]
Venezuelako udal hauteskundeetan Nicolas Maduroren PSUV alderdiak jaso du boto gehien, bozken %49,2. Henrique Ceprilesen MUD koalizioa ez da urruti ibili emaitzetan 700.000 boto gutxiago (%42,7) baina Venezuelako hiri garrantzitsuenetako alkatetzak eskuratu baititu.
Nicolás Maduro atera da garaile igandean Venezuelan egindako hauteskundeetan. Oso boto gutxigatik irabazi dio Henrique Capriles oposizioko hautagaiari: %50,6ak eman dio aldeko botoa, Caprilesen %49,1aren ondoan. Caprilesek esan du emaitzak ez dituela onartuko boto... [+]