Falcianiren atxiloketa, politikari katalanak estraditatzeko presio neurria?

  • Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.

Miren Osa Galdona @Mirentx_U
2018ko apirilaren 05a

Bost urteko kartzela zigorra ezarri zion bere garaian Suitzako Auzitegi Penalak HSBCko hainbat bezeroren datu pribatuak azaleratzeagatik. Espainiako Auzitegi Gorenak atzera bota zuen Suitzaren epaia, Espainian delituok zigorrik ez dutela argudiatuta. Bost urte geroago Espainiako Poliziak atxilotu egin du Suitzaren esku uzteko asmoz.

Duela hiru urte munduko zerga iruzurgile aberatsenen zerrenda atera zuen argitara Hervé Falciani informatikari adituak, nazioarteko hainbat hedabiderekin elkarlanean. Suitzako Auzitegi Penalak HSBC bankuko 100.000 bezeroren informazio pribatua zabaldu izana egotzi zion. Akusatua ez zen epaiketan azaldu eta Espainiako Auzitegi Nazionalak bere aurkako karguak ezerezean utzi zituen delituok Espainiako Estatuan zigor gabeak direla argudiatuta. Ordutik, Espainiako Polizia bere bizkartzain gisa aritu da; berau arduratu da halaber Falciani atxilotzeaz.

Asteazken arratsaldean atzeman zuen Espainiako Poliziak Madrilgo unibertsitate bateko ekitaldi batera zihoala. Eldiario.es-ek jaso duenaren arabera, Auzitegi Gorenak ez zuen atxilotze aginduaren berririk. Espainiako Barne Ministroak argudiatu du Espainiako Poliziak Falciani atxikitzeko nazioarteko agindu bat jaso zuela martxoaren 19an eta ordutik bere bila ibili direla. “Agindua bete baino ez dugu egin”, adierazi du Juan Ignacio Zoido Ministroak.

Espainiak Suitzari eginiko “faborea”

Zeresana eman du Falcianiren atxiloketa zein garaitan gertatu den. Miguel Urban Podemoseko eurodiputatuak, esaterako, informatikaria egun Suitzaren esku uztea Espainiak Vienari egin dion “fabore” gisa uler daitekeela ohartarazi du. “Falcini atxilotuta Espainiak Anna Gabrielen eta Marta Roviraren estradizioetan presio egin nahi du”.

Hainbat eurodiputatuk Bruselari eskatuko diote Falcianiren alde egitea, bere lanari esker diru kantitate esanguratsuak berreskuratu baitituzte Europako zenbait estatuk. Besteak beste, Falcianik Espainiako Zerga Administrazioko Estatu Agentziarekin kolaboratzeari esker, 300 milioi euro eskuratu zituen 659 iruzurgile fiskal atzemateagatik.

Euskal herritar ugari zerrendan

Auzitegi Nazionaleko Fiskaltzak berretsi du 2013an ebatzi zela Falciani kasua eta orduko delitu berak leporatzen bazaizkio, kasua bere horretan utziko duela epaiak indarrean jarraitzen duelako.

Mundu mailako pertsona esanguratsuak agertu ziren Falcianiren zerrendan 2015ean, dozenaka euskal herritar tartean. Esateko, 80 gipuzkoarren kasuan Espainiako Zerga Agentziak ikerketa fiskala abiatu zuen pertsona horien aurka. Gehienak enpresariak eta ondasun askoko herritarrak ziren eta ordura arte ez zioten Ogasunari kontu horien berri eman. Ikerketaren ostean denek itzuli zuten zor zuten ezkutuko dirua.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Falciani zerrenda

Falciani zerrenda kanaletik interesatuko zaizu...
2018-04-05 | ARGIA
Falciani aske utzi du Espainiako Justiziak, zaintzapean

Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.


2015-03-17 | ARGIA
Bizi-HSBC afera: poliziak boluntarioei ADN arrastoak hartu nahi dizkie

Poliziaren etxean behin azaltzea ez dute aski izanen Bizi!ko kideek: agenteek eskuratu nahi zituzten ADN frogak emateari uko egin diotenez, berriro galdezkatuko dituzte hilabete honetan bertan. Horrela doa luzatzen dirudun handiei iruzur fiskala egiten aritu den HSBC bankuaren afera Baionan, nahiz eta poliziek bankuko arduradunak ez baina horien delituak salatu dituzten ekintzaileak gogaitarazten diztuzten.


2015-02-22 | Juan Mari Arregi
Hemengo beste Falcianiak

Egunotan HSBC bankuko 203 herrialdetako 106.000 bezeroen –iruzurgileak eta iheslari fiskalak–; zenbait izen filtratu dituzte hedabideek; 200.000 milioi dolar zituzten euren kontuetan. 9.187 Frantziako Estatuko bezeroak dira, 2.694 Espainiako Estatukoak, eta 169 euskal herritarrak. Hori guztia ezagutu da Hervé Falcianiren lanari esker, informatikaria eta banku suitzarreko langile ohia. Bere burua arriskuan jarriz, bankuan gordetzen ziren datu sekretuenak eskuratu zituen... [+]


HSBCtik gobernura, kortsarioek eskuak edozertarako libre

 Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat Stephen Greenekin  batera David Cameron auzitegira bidean ikusi artean. 


2015-02-18 | ARGIA
Bizi!-ren egoitzara sartu da Frantziako polizia HSBC bankuko aulkien bila

Frantziako Polizia Bizi!-ren egoitzan sartu da, HSBC bankuaren Baionako bulegotik hartutako aulkien bila. ehKz-k egindako bideoan ikus daiteke polizia bulegoan sartu den unea.


HSBCtik gobernura, kortsarioek eskuak edozertarako libre

Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat Stephen Greenekin  batera David Cameron auzitegira bidean ikusi artean. 


2015-02-17 | Igor Agirre
Frantziako polizia Bizi!-ren egoitzan arratsaldean sar daitekeela ohartarazi dute

"Aulkiak itzuliko ditugu HSBC-k estatu frantsesari etekin fiskaletik hartutako 2,5 miliar itzultzen baditu". Bizi! mugimenduko lehendakari Jean-Noël Etcheverryk Baionako polizia-etxean deklaratu behar izan du HSBC bankuan egindako ekintzagatik. Aulkiak itzuliko ez dituztenez, Frantziako polizia Bizi!-ren egoitzan sar daiteke arratsaldean, zabaldu dutenez.


2015-02-13 | Lander Arbelaitz
Falciani zerrendako lehen euskal herritarra: BBVko zuzendari nagusi ohia

Publikatu dute Falciani iruzurgileen zerrendako lehen euskal herritarraren izena: Jose Maria Echevarria Arteche. Getxoztar honek gutxienez 1999tik 2007ra izan zituen hainbat kontu Suitzan, El Confidencial gunean jakinarazi dutenez.


2015-02-12 | ARGIA
"Falciani ez dago ados zerrenda horrela erabiltzearekin, gobernuen kontua izan da"

Hervé Falcianik zerrenda ez zuela horrela publiko egiterik nahi adierazi du Simona Levik. Falcianiren gertuko pertsona da, Xnet proiektuaren sortzaileetako bat, herritarren partetik informazio anonimoa jasotzeaz arduratzen den plataformakoa. Vilaweb agerkarian elkarrizketatu du Bel Zaballa kazetariak.


2015-02-11 | ARGIA
80 gipuzkoar Falcianiren iruzurgileen zerrendan, 'Noticias de Gipuzkoa'ren arabera

80 gipuzkoarren izenak leudeke Falcianiren zerrendan, Noticias de Gipuzkoak argitaratu duenez. Informazio honen arabera, denek beren egoera erregularizatu zuten 2011n.


Azkenak
EGILEA
Eguneraketa berriak daude