Falciani aske utzi du Espainiako Justiziak, zaintzapean
Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.
Suitzan dirua ezkutaturik duten munduko zerga iruzur aberatsenen zerrenda filtratu zuen informatikaria libre utzi du Espainiako Justiziak, baina hura zaintzeko neurri zorrotzak agindu ditu: pasaportea kendu, herrialdetik irtetea eragotzi eta astero epailearen aurrean agertu beharko du Falcianik. Gainera, poliziak etengabe zelatatzeko ere agindu du De Egeak.
Libre uzteko arrazoien artean, epaileak dio 2013an jadanik Audientzia Nazionalak ukatu egin zuela Suitzaren estradizio eskaria, herrialde horretan "industria espiotzagatik" epaitua eta zigortua izan harren Espainian ez dagoelako horren baliokiderik.
Falcianiren atxilotzeak susmo handiak sortu ditu eta Kataluniako gatazka politikoak zerikusia izan zezakeela iradoki du zenbaitek, Suitzan dauden politikari katalanak estraditatzeko presio moduan.
Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.
Poliziaren etxean behin azaltzea ez dute aski izanen Bizi!ko kideek: agenteek eskuratu nahi zituzten ADN frogak emateari uko egin diotenez, berriro galdezkatuko dituzte hilabete honetan bertan. Horrela doa luzatzen dirudun handiei iruzur fiskala egiten aritu den HSBC bankuaren... [+]
Egunotan HSBC bankuko 203 herrialdetako 106.000 bezeroen –iruzurgileak eta iheslari fiskalak–; zenbait izen filtratu dituzte hedabideek; 200.000 milioi dolar zituzten euren kontuetan. 9.187 Frantziako Estatuko bezeroak dira, 2.694 Espainiako Estatukoak, eta 169... [+]
Ostatuetan orain “Fernando Alonso” esan eta edonork aipatuko dizu HSBC, edo Falciani. Trending topic. Mundua XXI.eko krisitzar itzel honetaraino bankugintza globalak ekarri duela salatu duten Attac bezalako taldeen garaipen txikia ote? Ez oraindik. Ez behintzat... [+]
Frantziako Polizia Bizi!-ren egoitzan sartu da, HSBC bankuaren Baionako bulegotik hartutako aulkien bila. ehKz-k egindako bideoan ikus daiteke polizia bulegoan sartu den unea.