Faircoin: kapitalismoari aurka egiteko txanpon elektronikoa
Robin Bank bezala ezaguna den Enric Duran katalanaren proiektu berria da Faircoin. Kooperazio, elkartasun eta berdintasun baloreetan oinarritzen da dibisa hau, eta kapitalismoarekin lehiatzeko alternatiba globala sortzea du helburu.
2014an sortu zuen Faircoin interneteko garatzaile anonimo batek. 50 milioi txanpon atera zituzten orduan, eta proiektuarekin bat egiten zuten pertsonen artean banatu zituzten modu ekitatiboan, parekidetasuna bermatuz.
Denbora gutxira, proiektua alde batera utzi zuen sortzaileak, eta iaz errekuperatu zuen Duranek Thomas König-ekin batera. Moneta sistema konbentzionalari alternatiba eskaintzeaz gain, munduko ekonomia justuaren alde egiteko proiektu globalagoan kokatzen da Faircoin txanpona: FairCoop, kooperatiben kooperatiba den Duranen beste proiektuan, hain zuzen.
Faircoinek Bitcoin moneta elektronikoaren oinarriak ditu: interneteko transakzioak modu deszentralizatu eta anonimoan egiteko moneta da Bitcoin, bankuen eredu bertikalari aurre egiteko sortua. Duranen hitzetan, Bitcoinen “indibidualismoari” aurre egin dio Faircoinek, sistema kooperatibo bat sortuz.
Interneteko Robin Hood
Enric Duran 2006 eta 2008an egin zen ezaguna, hainbat bankuri kreditu bidez 492.000 euro lapurtu zizkienean. Etxea edota kotxea erostearen aitzakiarekin, nomina eta dokumentu faltsuak eskaini zizkien bankuei. Gezurrezko enpresak ere sortu zituen iruzurra babesteko.
Ateratako dirua herri mugimenduak laguntzeko erabili zuen Duranek, eta bide batez, finantza sistemaren ahuldadea agerian uzteko. Bankuen Robin Hood bezala egin zen ezaguna, “aberatsei” lapurtu zielako “txiroei” emateko. Bere ekintzengatik espetxean egon zen denboraldi batez, eta egun klandestinitatean bizi da.
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Niretzat Talaios kooperatibaren eta Olatukoopen bitartez kooperatibismoan eta ekonomia eraldatzailean jardutea zer den galdetzen didatenean, erantzuten dut izan dela lanaren eta kolektiboaren bitartez emantzipaziorako bideari ekiteko aukera. Eta bide horretan, oso garrantzitsua... [+]
Martxoaren 22an, Frantziako Tourra hasteko 100 egun falta zirenean, Bilboko San Mames estadioan lur hartu zuen Juan Mari Aburto alkateak. Hainbat lagunek osatutako tropelaren erdian zihoan, Bilbaobizi alokairu-zerbitzuaren logoa zuen bizikleta elektriko gorri batean, erakusteko... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Uztailaren hasieran jakin dugu gure herrian langileon etxe askotan ospakizunerako ezinbesteko izan diren pastel eta gozoen De Paula lantegia itxiko dutela. Erretiroa hartuko omen dute gozogileek, eta noski, erretiroa hartuko duten langileek deskantsurako eskubide osoa dute,... [+]