Fagor Etxetresnak, urritik aurrera berriz martxan

  • Jarduera komertziala irailean hasiko du Fagor Etxetresnen jabe berri den CNA Taldeak, urrian produkzio industriala abiarazteko asmoarekin.

Goiena @goiena
2014ko uztailaren 30a
Cata eta CNAko ordezkariak asteartean Fagor San Andresen emandako prentsaurrekoan (argazkia: Goiena).

Hala jakinarazi dute Fagor San Andresen emandako prentsaurrekoan. Lehenengo abiaraziko dituzten plantak izango dira Garagartzakoa eta Eskoriatzakoa; edozelan ere, negozio unitate guztiak jarriko dituzte martxan, baita Bergarako Geyser-Gastech-ena eta Edesarena ere.

Erabiliko diren markak

Produktuak merkaturatzeko orduan Fagor, Edesa, Aspes eta Splendid markak erabiliko ditu CNA Taldeak, bereak dituen Cata, Nodor eta Apelson markekin batera (hortik datorkio, hain justu, CNA izena).

Fagor Taldearekin hitzartu du hori talde kataluniarrak, 30 urterako hitzartu ere.

Sortuko diren lanpostuak

Lau urtean 840 lanpostu sortuko dituela aurreikusi du CNA Taldeak. Gehienak Garagartzarako izango dira, eta Bergararako, ondoren. Ondorengoak dira aurreikuspenak lantegiz lantegi eta negozioz negozio.

- Garagartza cooking: 257 lanpostu lehen urtean; 265 bigarrenean; 270 hirugarrenean eta 289 laugarrenean.

- Garagartza washing: 48 lanpostu lehen urtean; 70 bigarrenean; 76 hirugarrenean eta 84 laugarrenean.

- Garagartza dishwashing: 24 lanpostu lehen urtean; 40 bigarrenean; 45 hirugarrenean eta 51 laugarrenean.

- Garagartza zerbitzu nagusiak: 48 lanpostu lehen urtean; 48 bigarrenean; 48 hirugarrenean eta 48 laugarrenean.

- Cooling: 57 lanpostu lehen urtean; 65 bigarrenean; 71 hirugarrenean eta 78 laugarrenean.

- Eskoriatza: 65 lanpostu lehen urtean; 65 bigarrenean; 65 hirugarrenean eta 65 laugarrenean.

- Bergara: 141 lanpostu lehen urtean; 141 bigarrenean; 141 hirugarrenean eta 141 laugarrenean.

GUZTIRA: 705 lanpostu lehen urtean; 775 bigarrenean; 805 hirugarrenean eta 840 laugarrenean.

[Albiste honetako edukien jatorrizko bertsioak Goienaren webgunean argitaratu dira: "Urrian hasiko du CNAk produkzio industriala, Garagartzan eta Eskoriatzan", "Sortuko diren lanpostuak, lantegiz lantegi" eta "Fagor, Edesa, Aspes eta Splendid markak erabiliko ditu CNAk". Hedabide horren CC-by-sa lizentzia baliatuz ekarri ditugu ARGIAra]

Kanal hauetan artxibatua: Fagor  |  Eskoriatza  |  Bergara

Fagor kanaletik interesatuko zaizu...
2017-09-12 | Goiena
CNA taldeak enplegua suntsitzeko espedientea aurkeztu du

Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako 327 langileen kaleratze prozesua aurkeztu duela jakinarazi die.


Edesako langileak: "Fagor markarekin 'pelotazo' bat egin nahi dute"

Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.


Fagor-CNAk Garagartzan ekoizteari utzi eta langileak kalera botatzeko planari eutsi dio

Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.


2017-07-26 | Goiena
"Susmoa dugu beldurra erabili nahi dutela guk onartzeko enpresaren dimentsioa txikitzea"

12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko dira langileen ordezkariak. Ezustekorik ezean, ez Jaurlaritzako ez Fagor Taldeko ordezkaririk ez da batzarrean izango.


CNAk Arrasateko planta itxi eta 200 langile kaleratu nahi ditu

Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.


2017-07-20 | Goiena
"Zuzendaritzaren kudeaketa negargarriek ekarri gaituzte gauden lekura"

Edesa Industrial-eko eta Geyser Gastech-eko langileek, bizi duten egoera salatzeko, elkarretaratzea egin dute asteazkenean Arrasateko Herriko Plazan. Ez dute esperantza larregi bihar aurkeztuko dieten bideragarritasun planaren inguruan: "Gure susmoa da plan horrek murrizketa gehiago ekarriko dituela".


Industria politikari adarretatik heltzeko unea

Enpresa ezagunek itxierak eta murrizketak iragarri dituzte azkenaldian Euskal Herrian. Altzairuaren iazko krisiarekin gertatu bezala, industria sarearen ahultasuna agerian geratu da eta administrazioak darabilen politika ezbaian dago berriz.


2017-07-11 | Goiena
Mobilizazioetan hasiko dira Edesa Industrialeko langileak

Egosketa lerroko eta Basauriko produkzioak etenda, Edesa Industrialeko Garagartzako plantako langileek mobilizazioak iragarri dituzte, eguenean hasita. "Jendea urduri dago, ez da gertatzen den lehen aldia; ematen du historia bera errepikatzen dela", adierazi du Langile Batzordeak.


Fagor-CNAk Garagartzako garbigailuen planta itxiko duela baieztatu die langileei

Zuzendaritzak ez du bideragarritasun planik aurkeztu eta langileak “etsituta” azaldu dira, talde katalanak oraingoz 30 lagun kaleratzeko asmoekin segitzen duelako.


Euskara ikasteagatik ARGIA opari

Bizi honetan batzuk zortekoak dira, irakurle. Nik behintzat ume umetatik ikaskide eta lagun batzuk izan ditut zozketa bakoitzeko zerbait tokatzen zitzaienak, eta ni berriz beti ondoan, esku hutsik normalean. Fagor enpresan euskara taldeetan dabiltzanen artean urtebeterako harpidetzak zozketatu dituzte, eta seguru nago hor ere badagoela aipatu zorteko pertsonarik. Baina tira, ez natorkizue zorteaz hitz egitera, zozketaz baizik.

Fagor kooperatibak lehendik bazuen ARGIArekin harremanik, baina... [+]


Azkenak
EGILEA
Eguneraketa berriak daude