Fagor-CNAk Garagartzan ekoizteari utzi eta langileak kalera botatzeko planari eutsi dio

  • Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.

Urko Apaolaza Avila @urkoapaolaza
2017ko irailaren 05a
Langileak astearte goizean elkarretaratu dira zuzendaritza eta enpresa batzordea bilduta zeudela (argazkia: ETB)

Kontraesan horrek enpresa batzordea eraman du ondorioztatzera plan berarekin joan dela karpetan Fagor Edesaren jabe den konpainia katalana. "Benetan aurkeztu digutena lehenengo planaren bigarren bertsioa da, eta aurkeztu duten aldaketa bakarra labeak montatzeko proposamena da", azaldu dute langileen ordezkariek.

Fagor Etxetresna Elektrikoen oinordeko den lantegiarentzat bideragarritasun plan bat aurkezteko konpromisoa hartuta zeukan CNAk, eta zuzendaritzaren esanetan langile gutxiago kalera botatzeko "ahalegina" egin dute. Aitzitik, gehienez 160 lanposturi eusteko asmoarekin segitzen du eta horiei, gainera, %10 jaitsiko lieke soldata. Enpresa batzordeak azaldu du aurreko proposamenean jarritako "gehienezko" bera dela oraingoa eta beraz, ez dela ezer aldatu.

Langileen ustez CNAk erabakia hartuta dauka ekoizpena bigarren maila batean utzi eta negozio ildoa sukaldeko etxetresna zenbaiten merkaturatzean jartzeko. Hala, garbigailuak produzitzeari utzi eta Garagartzako planta itxi egingo luke, zuzendaritzak berretsi duen moduan. Erabaki "politikoa" dela dio enpresa batzordeak: "Guretzat proiektu industrialari uko egitea dakar honek".

Agenda: asteazken gorria, ostiral beltza

Langileek asteazkenean, hilak 6, batzarra egingo dute Edesaren Garagartzako egoitzan, eta hor erabakiko dituzte eman beharreko hurrengo urratsak. Nolanahi ere, Eusko Jaurlaritzako ordezkariekin eta eragile sozialekin biltzeko asmoa azaldu dute jadanik, bai eta Fagor eta Ekimen Berri-rekin ere, Mondragon taldean dagoen higiezinen sozietate hori baita Garagartzako pabiloia CNAri alokatzen diona.

Zuzendaritzak, bere aldetik, jakinarazi du ostiralean aurkeztuko duela, bai ala bai, Enplegua Erregulatzeko Espedientea (EEE) lantalde guztiarentzat, baina espediente horretan ez lituzke sartuko mantentzea aurreikusten duen 160 lanpostuak.

 

Kanal hauetan artxibatua: Industria  |  Langile borroka  |  Fagor

Industria kanaletik interesatuko zaizu...
2018-02-25
'OxyContin' epidemia AEBetan: gure medikuak bihurtu gaitu jonki

Droga epidemia berriaren biktimak ez dira ghetto txiroetako gazte baztertuak. Oraingoan eltxoak pozoiarekin bezain ugari erortzen direnak dira langileria eta klase ertain zuriko seme-alabak, auzo estandarretakoak, etxe txiki baten eta bi autoren jabe diren gurasoak, zaharrak bezala gazteak. Edozein klasetako oinazeri aurre egiteko agintarien bezala medikuen establishmentaren bedeinkapen oroz OxyContin opiazeoa hartzetik abiatuta jonki amaitu dutenak.


2018-02-25 | Miren Osa Galdona
Greba mugagabean, Alfako sirena isildu ez dadin

“Badakigu itxi egingo dutela, baina duintasunagatik gaude hemen”. Unai Arosak 24 urte daramatza Eibarko Alfa enpresan lanean. Azken bi hilabetetan ez da lantokira joan, ez behintzat lanera, protesta egitera baizik. Bera bezala, enpresako langileen erdia baino gehiago greban da. Lan baldintzez eta enpresaren arduradunek hartutako erabaki jakin batzuez nazkatuta, planto egitea erabaki dute. Baina nola iritsi da herri baten oinarri eta sostengu izan den enpresa historikoa egoera... [+]


2018-02-07 | Estitxu Villamor
I. Genero eta Energia Topaketak: Trantsizio energetiko feministaren premia

Otsailaren 2tik 4ra bitarteko asteburuan I. Genero eta Energia Topaketak egin dira Bilbon. Espainiar Estatuko 150 emakume* aritu gara, besteak beste, energiaren mundua gizon bakar batzuen eskutan egoteak dakartzan ondorioez, trantsizio energetikoa feminismotik eraikitzeaz eta arlo honetan emakumeok egiten dugun lana ikustarazteaz eztabaidatzen.


2018-01-18 | Andoni Mikelarena
Petronorrek Barbadun errekako ura erabili nahi du, EAJ eta PSEren oniritziarekin

Muskizko Udala eta Petronor akordio batera iritsi dira, petrokimikoen plantak Barbadun errekako urak erabili ditzan lantegian. Prozesua “opakotasun” handiarekin egin izana egotzi dio EH Bilduk, EAJ eta PSEren udal gobernuari.


2018-01-11 | Miren Osa Galdona
Norvegiak ez die arma gehiago salduko Arabiar Emirerri Batuei, Yemengo gerra dela eta

Norvegiako Gobernuak jakinarazi du Arabiar Emirerri Batuei armak saltzeari utziko diola armok Yemengo gatazkan izan dezaketen inplikazioa saihesteko. Norvegiak armak eta gerra munizio ugari saldu zizkion 2016an herrialde arabiarrari, 10,2 milioi euroren truke. Etekin ekonomikoa albo batera utzi eta giza eskubideak bermatzea erabaki du herrialde nordikoak.


2018-01-08 | Mikel Casado
Goi tentsioarekin kozinatu nahi gaituzte

Seguruenik, ezaguna da Eduardo Galeanoren sukaldariari buruzko ipuin polit hori: sukaldariak etxaldeko hegaztiak (oiloak, ahateak, indioilarrak etab.)  bilarazi zituen eta galdetu zien zein saltsarekin nahiago zuten janak izatea. “Ez dugu jan gaitzaten nahi, edozein modutan dela ere” erantzun zion oilo batek. Sukaldariak erantzun zion hori ez zela baliozko erantzuna, kozinatuak izango zirelako, beraiek nahi edo ez.


2018-01-03 | Estitxu Eizagirre
Aernnova enpresa arabarrak armagintzan nola parte hartzen duen, Ministroen Kontseiluak kontatuta

Abenduaren 29ko Espainiako Ministroen Kontseiluak onartu zuen atzerriko inbertsore handiak egitea aeroegiturak egiten dituen Aernnovaren kapital sozialaren gehiengoaren jabe. Horrez gain, Espainiako Ministroen Kontseiluak adierazten du Aernnova Aerospace Corporation-ek ez duela zuzenean ekoizpen militarrik egiten, baina bai bere filialen bidez, eta hauen izenak zehazten ditu.


2017-12-26 | Miren Osa Galdona
Hego Euskal Herriko lehen energia komertzializatze munizipala sortu dute Izaban

Energia Rio Ezka izena du Hego Euskal Herriko lehen energia komertzializatze munizipalak. Izaba inguruko baliabide naturalak aprobetxatuz, eskualdea nahiz iberiar penintsulako edozein txoko hornitzeko prest daude. Proiektu aurrerakoia eta iraultzailea dela diote arduradunek.


Gerretako ikusezinak

Gerra osteko unerik gogorrenetan ere, estraperloan edo merkatuan emakumeek erakutsi zuten adorea ikaragarria da, triskantzari aurre egin zioten “makina bat arrasta eginda”. Eta triskantzari aurre egiten segitzen dute belaunaldiz belaunaldi, transmisioaren txirikordari esker.


Azkenak
EGILEA
Eguneraketa berriak daude