Facebookek LGTBI tematikako galizierazko film bat zentsuratu duela salatu dute

  • Nove de Novembro filma LGBTI tematika erdigunean jartzen duen lehen pelikula luze galiziarra da. Trailerra Facebook bidez zabaltzerako orduan, edukia zentsuratu dietela salatu du Lazaro Louzao zuzendariak. Facebookek dio bideoak ez dituela betetzen sare sozialak eskatzen dituzten irizpideak.


2017ko azaroaren 22an - 11:28
Filmeko bi protagonistak

Filmak 80ko hamarkadako bikote homosexual baten istorioa kontatzen du da. Datorren urte hasieran estreinatuko da, baina aurrerapen moduan, trailerra zabaldu dute sare sozialen bidez.

Louzaok adierazi duenez, publizitate moduan jarri zuten Facebooken, eta honek galarazi egin die bideoa publiko egitea, “publizitate politikak ez betetzeagatik”.

Trailerrean “eduki sexuala” ageri dela argudiatu du plataformak, Praza Publica webguneak jaso duenez: “Hasieran uste nuen sistemaren arazoren bat izango zela. Ondoren azaldu zidaten postura sexualean eta kamiseta gabe agertzen diren bi gizonen lehen planoak ageri direla trailerrean eta hori zela bideoa ez onartzearen arrazoia ”.

Erreklamazioa jarri duen arren ez du uste ezer lortuko duenik: “Ez da lehen aldia Facebookekin arazoak ditugula LGTBI kolektiboaren inguruko  edukiak zabaldu nahi izateagatik”.  

Pertsona homosexualek hainbat esparrutan eskubideak eta gizartearen onarpena lortu izana txalotzen du zuzendariak, baina egunero oztopoak gainditu behar dituztela nabarmendu du.

 


Kanal honetatik interesatuko zaizu: LGBTI
LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Elena Guinea. Guztiontzako guneak sortzen
“Taberna bat edukitzea ardoak ateratzeko bakarrik, paso”

Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]


Bilboko eraso homofoboa Legebiltzarrera iritsi da

Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]


2024-01-08 | ARGIA
LGBT+ eragileek Baionako apezpikua salatu dute Aita Santuak bikote homosexualez esandakoa desitxuratzeagatik

Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]


2023-08-24 | Ilargi Manzanares
Pertsona trangeneroen aurkako erasoak handitu egin dira

Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.


Eguneraketa berriak daude