Facebookek WhatsApp erosi du 19.000 milioi dolarrengatik

  • Facebook konpainia WhatsApp mezularitza enpresa erosteko adostasunera iritsi da asteazkenean, AEBetako Balore Merkatuko Komisiora (SEC) bidalitako informazioaren arabera. Salerosketa oraindik ez da itxi, operazioa burutzeko agintaritzaren baimenak jaso behar baitituzte.


2014ko otsailaren 20an - 00:00
Azken eguneraketa: 2015-02-26 13:37:33
WhatsApparen erosketarekin gailu mugikorretan ahalmen handiagoak izatea espero du Facebookek. Argazkia: 20minutos

Sare sozialak 19.000 milioi dolarrengatik (13.800 milioi euro baino gehiago) erosi du bat-bateko mezularitza aplikazioa.

Ordainketa bi epetan egingo da. 16.000 milioi dolar ordainduko dira hasieran, zati bat eskudirutan (4.000 milioi dolar), eta gainerako 12.000 milioiak Facebookek burtsan dituen akzioen bidez.

Gainera, Facebookek bigarren ordainketa bat egingo luke, 3.000 milioi dolarrekoa. Operazioa itxi ondorengo lau urteetan gauzatuko litzateke, WhatsAppen sortzaile eta langileei bideratua legoke eta Facebookeko akzioekin egingo litzateke hau ere.

Erraldoiaren txat zerbitzua hobetzen

Facebookek gaur egun 1.200 milioi erabiltzaile baino gehiago ditu mundu osoan. Duela 10 urte sare soziala martxan jarri zuen Marc Zuckerbergek zera adierazi du erosketa berriaz: “WhatsAppek gure mezularitza eta txat zerbitzuak hobetuko ditu, komunitateari erreminta berriak eskaini ahalko dizkiogu, mundu zabalagoa eta konektatuagoa eskainiz”.

Bat-bateko mezularitza aplikazioko fundatzaileak pozik agertu dira salmentarekin. “Hunkiturik gaude Mark Zuckerberg eta Facebookeko bazkide izateko aukera edukitzeagatik, gure produktua jende gehiagorengana iristea lortuko dugu”, azaldu dukomunikatu batean Jan Koum sortzaileak.

Telefono mugikorretan presentzia handiagoa edukitzea espero du Facebookek. Hala ere, WhatsAppari lehiakide berriak atera zaizkio azkenaldian, mezularitza aplikazio doakoak eta seguruagoak direla baieztatzen dutenak, hala nola Telegram, We Chat eta Line. 


Kanal honetatik interesatuko zaizu: Whatsapp
Whatsapp-a ez da izango EAEko hezkuntzako oposizioetan akreditazioa lortzeko bide bakarra

Eztabaida eragin zuen 2023ko urriaren 21ko EAEko irakasleen oposizioetara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere eman zuen Eusko Jaurlaritzako Hezkuntza Sailak. Hemendik aurrera... [+]


Whatsapp ez da derrigorrezkoa izango EAEko irakasleen oposizioetan parte hartzeko

EAEko irakasleen oposizioetako azterketak urriaren 21ean egingo dira BEC-en. Eztabaida eragin du bertara sartzeko Whatsapp bidez jasotako QR kodea erabili beharrak. Azkenean, akreditazioa webgune baten bidez eskuratzeko aukera ere emango Eusko Jaurlaritzako Hezkuntza Sailak.


Isun erraldoia Whatsappentzat, datuak babesteko araudi europarra urratzeagatik

Datuak babesteko Irlandako Batzordeak, DPCk, 225 milioi euroko isuna ezarri dio Whatsappi, datuak babesteko araudi europarra urratzeagatik. Zehazki, arazoa da Whatsappek ezkutatu egiten duela zer eta zenbat datu pertsonal partekatzen duen Facebookekin. Facebookek Irlandan dauka... [+]


2021-01-08 | ARGIA
Hautsak harrotu ditu WhatsAppen erabilera-baldintzen eguneraketak

Erabilera-baldintzak eta pribatutasun politika eguneratu ostean Europatik kanpoko erabiltzaileen datuak Facebookekin elkarbanatuko ditu WhatsAppek. Euskal Herriko erabiltzaileen datuen partekatzeari ez dio eragiten eguneraketak. Sareetan hainbat erreakzio eragin ditu berriak,... [+]


Ikasleen esperimentu arrakastatsua: jaso duzu Nicoren mezua?

Niri asteazkenean iritsi zait mezua, whatsapp bidez: “Lagundu iezadazu munduari itzulia ematen. Nico naiz” (ikusi irudia). Ziztu bizian zabaldu da astearte goizean Madrilgo ikastetxe batean abiaturiko esperimentua: helburua, ohartzea irudiak zeinen azkar hedatzen... [+]


Eguneraketa berriak daude