Eztabaidarako 'Abian' txostena publiko egin du ezker abertzaleak
Ezker abertzaleak sarean eskuragarri jarri du Abian txostena. Helburua herri eta auzoetan eztabaidatzea izango da. Igor Arroyo eta Marije Fullaondok aurkeztu dute eta "Zutik Euskal Herriaren potentzial guztia askatzea" dela asmoa diote.
Bost pasarte nagusi ditu txostenak.
Batetik, ziklo aldaketa jorratzen du eta azken urteetako balantzea egin. Zutik Euskal Herriak izan duen garrantzia, estrategiaren garapenerako eremuak eta kanpo faktoreak landu dituzte.
Bigarrenik, "abagunearen gutxieneko azterketa". Bertan nazioartean eta Euskal Herrian sortu den egoeraz gogoeta egiten dute.
Hirugarrenik, Ezker Abertzalearen proiektu politikoa jorratzen dute.
Laugarrenik, "nora eta nola goaz, estrategiaren gaurkotzea: hautabide independentista" atalean, eskaintza independentista birsortzeaz mintzo dira, baita gatazkaren ondorioak jorratzeko moduez ere.
Azkenik, antolaketaz hausnartzeko irizpideak jartzen dituzte. Aitortuz Abian prozesuan jasotako "ekarpen askotan barne funtzionamoldeez eta zuzendaritza politikoaren gabeziei buruzko arazoak mahai gaineratu" direla.
Txostena lotura honetan jaitsi daiteke PDFan.
Gipuzkoan izan du babes gehien EH Bilduk, eta 2 eserleku gehiago lortu ditu; 135.000 boto baino gehiago eskuratu ditu, eta 5 puntu egin du gora. EAJk eserleku bat galdu du, eta 9rekin geratu da; 4 puntu egin du behera. Donostian boto gutxigatik irabazi du EAJk, eta udalerri... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.