Ezkutuko indarkeria matxisten aurkako kanpaina abiarazi du Arabako Aldundiak

  • Mehatxuak, umiliazioak eta emakumeak azpibaloratzea bezalako erasoak normalizatuta daudela hauteman du bortizkeria matxistaren diagnostikoak.

Arabako Alea @ArabakoALEA
2017ko azaroaren 09a

Arabako Foru Aldundiak abian jarri du "ezkutatuak edo hautematen zailak" diren indarkeria matxisten kontrako kanpaina, Bortizkeria matxistak geruza asko ditu. Moztu dezagun errotik! Har ezazu parte lelopean. 

Datorren azaroaren 25eko Emakumeenganako Indarkeriaren aurkako Egunaren ildoan aurkeztu du kanpaina. Horren bidez, herritarrek, irainak eta erasoez gain, begi bistakoak ez diren bestelako indarkeria adibideak identifikatzeko helburua du Aldundiak; tartean, mehatxuak, umiliazioak edo emakumeak azpibaloratzea.

Ostegunean Arabako Kuadrilletako bortizkeria matxistaren diagnostikoa aurkeztuko da, eta horren arabera, genero indarkeria lurraldeko emakume askoren bizitzan dago. Hori gutxi balitz, Gizarte Zerbitzuen Saileko foru diputatu Marian Olabarrietak adierazi duenez, lehen aipatutako "beste bortizkeria mota batzuk normalizatzen ari dira egunerokoan". Hori dela eta, kanpainaren bidez, Arabako emakume eta gizonei egiten diete dei, bortizkeria matxista "errotik mozteko" konpromisoa har dezaten.

Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Indarkeria matxista  |  Araba

Indarkeria matxista kanaletik interesatuko zaizu...
2018-02-14 | Anboto
Neska batek bere mutil-lagunarengandik kalean jasan duen erasoa salatu du Durangoko Udalak

Durangoko Udalak prentsa oharrean azaldu duenez, astelehen gauean emakume batek bere mutil-lagunarengandik eraso psikologikoa jasan du. Emakumea Ertzaintzak artatu du eta mutil-laguna atxilotu egin dute.


2018-02-08 | ARGIA
Kartzelan sartu dute sexu erasoak egitea leporatzen dioten Donostiako tatuatzailea

Ostegun goizean bigarrenez instrukzio epailearen aurrean deklaratu ostean, honek erabaki du hainbat laguni sexu erasoak egiteagatik salatua izan den Donostiako tatuatzailea espetxeratzea.


Sexu erasoengatik salatu duten Donostiako tatuatzailea, epailearen aurrean

Asteazken goizean igaroko da epailearen aurretik Donostian atxilotutako tatuatzailea, bezeroei sexu erasoak egitea leporatuta.


2018-02-06 | Miren Osa Galdona
Atxilotu dute bezeroei sexu jazarpena egiteaz akusatu duten Donostiako tatuatzailea

Bezeroei ustez erasoak egiteagatik, tatuatzaile bat atxilotu du Udaltzaingoak Donostian. Astelehen arratsaldean gertatu da, sare sozialetan bederatzi pertsonek tatuatzailea salatu ostean.


Argia Sariak 2018
Hizkuntzak batzen dituen sari anitzak

http://www.argia.eus/albistea/argiako-kideen-sarrera-hitzaldia13:30ak aldera heldu garenok tartea izan dugu Usurbilgo Atxega Jauregiaren atarian ardo baten laguntzaz aspaldi ikusi gabeko lagunekin eta orduantxe ezagututakoekin hitz-aspertu txiki bat egiteko. Abisua pasa digute barrura sartzeko garaia dela, eta aurten mahaikide nor izango ditudan begiratzeko asti labur bat hartuta, sartu naiz; egunaren kronikatxoa egin behar dudan aitzakian normalean tokatzen ez zaidan moduko bazkari ederraz... [+]


Indarkeria matxistarik gabeko jendartea irudikatu nahi?

Ikuspegi positiboari eutsiz, indarkeria matxistaren aurkako borroka islatzea du helburu Asun Casasola ipuin lehiaketaren hirugarren edizioak ere. Ipuinek “EZ da EZ!” izango dute abiapuntu, eta otsailaren 10era arte duzue orrialde bateko idazlana bidaltzeko epea.


2018-01-28 | June Fernandez
Boiro eta A Pobra do Carami˝al

Kontatu al dizuet erdi galiziarra naizela? Nire ama Boiron jaio zen, Arousako itsasadarreko herri batean. Aitite itsasoan zegoela, hilabeteak igaro zituen alaba ezagutu barik. Familiako gizon gehienak marinelak ziren. Behin nire birraitite Manuel Bilboko portura bisitatzera joan zen nire birramama Celsa. Bizkaiko industriaren loraldiak liluratuta, senarrari esan zion: “Hemen etorkizun hobeagoa izan dezakegu”. Barakaldora migratu ziren hiru alabekin, suhiekin eta lehenengo lobarekin,... [+]


2018-01-22 | Miren Osa Galdona
Elkarretaratzea egin dute Santurtzin azken sexu erasoa salatzeko

Pasa den ostegunean emakume batek salatu zuen sexu erasoa gaitzetsi dute Santurtziko bizilagunek Udaletxe aurrean. “Erasorik ez erantzunik gabe” lelopean, emakumeek aske izateko duten eskubidea aldarrikatu dute beste behin. 


"Bortxatu zintuztenean, zer zeneraman jantzita?" galderari muturrekoa ematen dion erakusketa

Galdera gorrotagarri, umiliagarri eta ohikoegia da, sexu erasoen biktimei egiten zaiena: “Zer zeneraman jantzita?”. Bada, bortxatuak izan diren emakumeek une horretan zeramaten arroparekin erakusketa inauguratu dute Bruselan, frogatzeko edozein arropa eramanda ere sexu-erasoen biktima izan daitezkeela emakumeak.


2018-01-21 | Nerea Ibarzabal
Pelikula

Beldurrezko pelikulen alderik okerrena amaitzen diren unean iristen da, ondorengo orduetan eta datozen gauetan –batzuontzat behintzat–. Filma bera hazi bat ereitea baino ez da, gainerakoa zure buruak egingo baitu, askoz hobeto eta askoz errealago.  

Horrela, pertsona ausartaren mozorroa erori eta komunetik logelarako ibilbidea korrika igarotzen harrapatuko duzu zeure burua, korridoreko argia piztuta. Ez duzu hankarik eta besorik izarapetik aterako, beroak itotzen egon arren... [+]


Azkenak
EGILEA
Eguneraketa berriak daude