"Ez Rajoyri eta bai gobernu alternatibo bati"
PSNko idazkari nagusiak ez du begi onez ikusten alderdia jasaten ari den prozesua. Nafarroatik Pedro Sanchez defendatu ostean egoera berriaren aurrean hartu beharreko posizioaz aritu da.
Alderdiko idazkari nagusiaren dimisioarekin amaitu den prozesuaren garapena ez zaio egokia iruditu, baina bozketa baten ondorio izanik onartu beharreko dela dio. Egoera zailean dauden arren denborarekin konponduko dela uste du. Hala azaldu du Diario de Navarra egunkariari eginiko elkarrizketa batean.
PSNko kideak garbi du alderdiak Nafarroan duen posizioa. PPri ezezko botoa eman behar zaiola defendatu eta erabakia militanteen esku jartzen ez bada, PSNk beste zerbait bozka dezakeela aurreratu du: “Ez naiz inoiz bozka diziplina apurtzearen aldekoa izan, baina Nafarroako zuzendaritzako hainbat kide planteatzen ari dira”. PSNk Espainiako parlamentuan duen diputatuarekin hitz egingo dutela azaldu du.
PSCk aurreraturiko ezezkoarekin bat egin dezake, beraz, Nafarroako alderdi sozialistak. Chiviteren esanetan Madrilgo talde parlamentarioan “tentsioa” dago momentu honetan.
Alderdiak Nafarroako azken hauteskundeetan izaniko beherakadaren ondorioz ikasi dutela adierazi du, estatu mailan berdina gertatzea saihestu nahi dutela argudiatuz. “Nafarroan ikasi dugu gobernuan daudenei laguntzeagatik alternatiba izateari uzten diozunean, gobernurako aukera izateari ere uzten diozula” dio Chivitek.
2015-2019ko legealdian Iruñeko alkate izan ondoren, bigarrengoz errepikatzen du alkatetzan, ezker abertzaleak Iruñeko udal hauteskundeetan inoiz izandako emaitzarik onenaren ondoren, eta PSNrekin lotutako zentsura mozioaren eskutik. Abagunea ona dela dio, baina... [+]
Orkoiengo alkate sozialista Alejandro Lopezek euskalduna izatea pribilegio bat dela esan eta gero, PSNko hautetsiak euskara sustatzearen aurkako gero eta adierazpen gehiago egiten ari dira, hala Eguesibarren nola Tafallan. Ingurumari horretan, PSNren zuzendaritzak Orkoiengo... [+]
Abenduaren 20ko osoko bilkuran bertako alkate Alejandro Lópezek (PSN) azaldu zuen herriko ludotekan euskarazko ekitaldiak egitea euskaldunentzat pribilegikoak direla.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.
Ferrazek baimena eman duenean adostu da zentsura mozioa Iruñean, PSOEk hauteskunde orokorrak irabazi eta Espainiako Gobernua lotu ondoren. Zurrumurrua bolo-bolo zebilen Iruñean, “urtarrilerako, otsailerako...”, baina oro har, bai EH Bildu bai PSN isilik... [+]