Ez Ponpeia eta ez Gernika: hau Alepo da

  • Siriako gerra baldin bada urteotako hondamendi humanitario handinetakoa, munduko potentzia militar handiak zuzenean edo zeharka sarturik muturra bertan munduak zuzenean ikusten duen sarraski itzela, uneotan lehiatzen den Alepo hiriko guduak marra guztiak gainditzen ditu herritarren kontrako krudelkerian.

Pello Zubiria Kamino @pellozubiria
2016ko irailaren 26a
Alepo hiria artilleriak eta aireko bonbaz lehertuta ke artean. (Argazkia: Manu Brabo)

Sare sozialetan zabaldu da oihua joan den asteburuan Ekialde Hurbileko hiririk zaharrenetako bateko aurrietatik: “Hau ez da Ponpeia, hau Alepo da”. Argazki eta bideo ugarik erakutsi dituzte irudi lazgarriz zaurituak eta hilotzak hegazkin errusiarren bonbak eragindako txikizioaren hautsen artean. Nazio Batuen Erakundearen idazkari nagusi Ban Ki-moonek adierazi du lur jota dagoela ikusirik ofentsiba militarrak eta ahalmen handiko bonbek herritarren artean egindako sarraskiak.

Iturri ezberdinak ez datoz bat Alepo eta inguruetan hildakoen kopuruetan, nahiz eta denek ematen dituzten 200-300etik gorako kopuruak. Baina NBEk Siriarako izendatu bitartekari Staffan de Misturak salatu du azken zortzi egunak izan direla Siriako gerrak sei urteotan ezagututako gogorrenak.

Azken su-etena ezerezean gelditurik, AEBek Deir Ezzor-en Siriako armadaren posizioak eraso zituela aitzakia harturik, Siriako gobernuak errusiarren hegazkinek lagundurik ekin dio Alepo hiri estrategikoa osorik berreskuratzeko ofentsibari. Damaskoko tropei bidea errazteko hegazkin errusiarrek egindako bonbardatze sistematikoak dira De Misturak salatu dituenak: “Airetik erasotzen ari dira mota berriko armak erabiliz jende asko bizi den auzoetan, tartean sua eragiten duten bonbak, bunkerrak lehertzeko inguru guztia suntsitzen dutenak. Horiek jendez betetako lekuetan erabiltzea gerra krimentzat jo ditzakegu. Hau gelditu beharra dago”.

Erresuma Batua, AEB eta Frantziak NBEren Segurtasun Kontseilua deiturik, hitz horiexek –"barbaric" eta "war crime"– berak erabili dituzte Siriako Gobernuaren eta Vladimir Putinenaren erasoak salatzeko. Frantziako enbaxadore François Delattrek esan du: "Alepo da Siriako gerran, Bosniakoan Sarajevo edo Espainiakoan Gernika izandakoa".

Errusiaren ordezkariak gezurtatu du gerrako krimenik egin dutenik Alepo azken auzoetatik gerrillari islamistak kanporatzeko ahaleginean eta oroitarazi du justu hauek direla, Mendebaldeak eta Golkoko petro-monarkiek babestutako islamistak, Alepo eta inguruetan bi milioitik gora herritar egunotan iturriko ura mozturik egarriz utzi dituztenak.

UNICEFeko zuzendariorde Justin Forsythek esan du: “Alepo hiltzen ari dira pixkanaka eta munduak begira segitzen du, eta orain ura moztu dute, horra inhumanotasunaren azken erakusgarria”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Siriako gerra

Siriako gerra kanaletik interesatuko zaizu...
Siria gainean beroturik, Golkoko Hirugarren Gerra irakiteko bidean

Donald Trumpek AEBen aldetik eten duela Iranekin nuklearraz sinatutako tratua, Israelek Irango armadari eraso diola agerian lehenbizikoz eta arma berriekin, aurretik Mendebaldeko potentziek eraso egina ziotela Siriako gobernuari... Ekialde Hurbileko suteen –Palestina, Yemen, Siria– protagonista nagusiek deliberatua dukete haiek itzaltzeko urratsak eman ez eta gasolina gehiago jaurtitzea. Golkoko Hirugarren Gerra baten usaina aipatzea
ez dirudi gehiegikeria.


2018-04-29 | Edu Zelaieta Anta
Lotsaz eta larderiaz

Badu euskarak begirunea eta beldurra era naturalean uztartzen dituen hitz bat: larderia. Izan ere, eremuaren edota hiztunaren arabera, beldurrarekin edo begirunearekin lotuago egon daiteke. Nolanahi ere den, badirudi larderiak, hitza ongi erabilita bederen, betiere nagusitasuna adierazten duela. Nagusitasuna, baina, modu positiboan edo negatiboan uler daiteke, beste hamaika kontu bezalaxe.

Bestalde, lotsa handirik erakutsi gabe, lotsa bera da batzuetan larderiatik hurbilxko egon daitekeen... [+]


Fauna publikoa
Gerrari komeni zaion egia

Frantziako Atzerri ministroari falta izan zaio esatea Whatsappez abisua jaso ondoren sakatu duela Siria bonbardatzeko botoi gorria.


2018-04-11 | ARGIA
Trumpek esan dio Errusiari prestatu dadila, AEBek Siriara misilak jaurtiko dituztela

Errusiak iragarri ostean Siriaren kontra AEBek misilak jaurtiz gero misil horiek suntsituko dituela, Twitterren erantzun du Donald Trump AEBetako presidenteak: "Errusia konpromituta da Siriaren kontra jaurtitako misil guztiak suntsitzera. Prestatu zaitez Errusia, iritsiko direlako, ederrak, berriak eta azkarrak! Bere jendea hiltzen eta horrekin gozatzen duen Gas-Hiltzaile Animalia baten kide ez zinatekete izan behar".


2018-04-11 | ARGIA
Errusiak dio Siriaren kontrako misilak geldiaraziko dituela

Errusiako armadak Siriaren kontra jaurtitako misilak suntsituko dituela iragarri du Moskuk Libanon duen ordezkari Alexander Zasipkinek.


2018-04-11 | ARGIA
Siria bonbardatzeko mehatxua benetakoa da: herrialdea saihesteko gomendatu diete EBko hegazkin konpainiei

Nazioarteko aire-trafikoa kontrolatzen duen Eurocontrol erakundeak hegazkin konpainiei gomendatu die Siria saihestu dezatela, datozen 72 orduetan estatu horren kontrako aire-erasoak egin ditzaketelako.


Newroz piroz be

Udaberriarekin batera ehunka milaka kurduk ospatu dute beren egunik handiena: Newroz, urte berria. Kurdistan, estaturik gabeko munduko herririk handiena –bost estatutan zatituta–, gerrak inguratuta bizi dira.


Sirian Estatu Islamikoa garaitu badute, zergatik ez da gerra amaitzen?

Estatu Islamikoa Alepotik 2016an kanporatu eta, batik bat, joan den urrian Al-Raqa eta inguruetan sakabanatuz geroztik, askok espero zuen Siriako gerra amaierara hurbiltzen hastea. Oso bestela gertatu da. Israel eta Iran zuzeneko talkara iritsi, Afrin eskualdeko gudua gogortu, lehenbizikoz AEBetako tropek eta Errusiako paramilitarrek elkarri eraso, Damasko hiriburuko Gutha auzoa airetik krudelki suntsitu... Siriako gatazkaren hariak inoiz baino nahasiagoak ageri dira.


Inperialismoaren maskarak erori dira Sirian

Wesley Clark jeneralak kontatua du 1991n Paul Wolfowitzekin izan zuen elkarrizketa, politika militarrerako Defentsa idazkariordearekin. Clarkek esan zion: “Nahiko pozik egon behar duzu armadak Desert Storm operazioan izan duen portaerarekin”; (1991n AEBek Iraken aurka egin zuten erasoa izan zen). Wolfowitzen erantzuna epela izan zen: “Tira bai, baina ez, egia esan Saddam Husseinez libratu behar ginen eta ez dugu egin. Halere, gauza bat ikasi dugu, gure armada erabili dezakegu... [+]


Erdoganek esan du Afrin "setiatuko" duela

Turkiako presidente Recep Tayyip Erdoganek esan du Siriaren menpeko Kurdistanen dagoen Afrin barrutia “setiatuko” duela hurrengo egunetan.


Azkenak
EGILEA
Eguneraketa berriak daude