Kataluniako prozesua “bide onetik” doala uste du Otegik, eta “heldutasun eta sendotasun demokratikoaren” adibide garbia direla adierazi du: “Inbidia dudala onartu beharra dut, inbidia oso sanoa”.
Ezker abertzaleko kideak adierazi du Kataluniako herritarrek eta erakunde zibil eta sozialek prozesuan izan duten “erabateko protagonismo aktibo, kontziente eta heldua” eredugarria izan dela. Klase ezberdinen arteko adostasuna lortu izana ere “beharrezko” iruditzen zaio Otegiri: “Estatua eraiki ondoren, hegemonia lortzen duten baloreak izanen dira balantza gehiengo sozialen alde edo elite ekonomikoen alde eramanen dutenak”.
Independentziara bidean Kataluniak Euskal Herriari aurre hartu izanaren arrazoiak “ugariak” dira Otegiren ustez, baina bat bereziki aipagarria dela adierazi du: “Katalunian herritarren gehiengoa, eta ondorioz burgesia txikiaren gehiengoa ere bai, ohartu da plurinaziotasuna edota erabakitzeko eskubidea onartuko duen erreforma aukerarik ez dagoela Espainiako Estatuan. Euskal Herrian oraindik ez gara iritsi gogoeta puntu horretara”.
Espainiako ezker estatistak nazionalismoari interes elitistak egotzi dizkio sarritan. Honen inguruan, ariketa sinplea egitea proposatu du Otegik elkarrizketan: “Idatzi zerrenda bat Euskal Herrian eta Katalunian independentzia babesten dutenena eta beste bat aurka daudenena. Zein aldetan daude oligarkia handiak? Zeinetan IBEXko enpresak? Entitate finantzarioak? CEOE, Confebask edota CEBEK? Apezpiku-batzarra, monarkia edota terratenienteak. Hauek guztiek beti egin dute Espainiaren hautsi-ezinezko batasunaren aldeko apustua”.
La Directa-ko kazetari Jesús Rodríguezek azaldu du 2017ko urriaren 1ean behetik gora egin zuen borborrak 2020ko hauteskunde autonomikoetan goitik ixteko arriskua duela. Erreferenduma deitzeagatik jasotako kartzela zigorren aurrean emango den erantzuna gakoa izango... [+]
Astelehen honetan epaituko dituzte Artur Mas Generalitateko presidente ohia eta, bere lehendakariorde Joana Ortega eta hezkuntza sailburu Irene Rigau, 2014ko azaroaren 9ko kontsulta antolatzeagatik.
Kataluniako Parlamentuko presidente Carme Forcadellek, desobedientzia eta prebarikazio delituak egotzita Kataluniako Auzitegi Nagusian deklaratuko du gaur. Hainbat hautetsi eta herritarrek babestuta joan da epaitegira.
Pentsatu baino lehenago ekin dio Kataluniako Legebiltzarrak Espainiarekiko deskonexioari. Urratsak dira, sinbolikoak, baina hortik hasten da. Espainiak Brunete juridikoa mobilizatuko du lehenbizi. Hemen prozesuaren unea hobeto ulertzeko zazpi gako.
2004KO ABENDUAREN 30a, Eusko Legebiltzarrak Ibarretxe Plana onartu zuen Batasunaren ezinbesteko hiru botorekin –hiru alde hiru aurka–, honek aurreko aste eta hilabeteetan planaren aurkako jarrera argia erakutsi zuen arren. Ezustekoa tamainakoa izan zen euskal... [+]