Boliviatik zabaltzen ari diren albiste nahasien artean, Evo Moralesek berak adierazi du poliziak dabiltzala hura atxilotu nahian eta bizileku duen etxeari eraso egin diotela. Igandean, lehendakari kargua utzi ostean, La Paz hiriburutik alde egin zuen Moralesek eta, antza denez, Chapare eskualdean babestu da.
Twitterrez zabaldu du albistea Boliviako lehendakari ezkertiarrak, berriro salatuz estatu kolpe bat dela gertatu dena:
Denuncio ante el mundo y pueblo boliviano que un oficial de la policía anunció públicamente que tiene instrucción de ejecutar una orden de aprehensión ilegal en contra de mi persona; asimismo, grupos violentos asaltaron mi domicilio. Los golpistas destruyen el Estado de Derecho.
— Evo Morales Ayma (@evoespueblo) November 11, 2019
Aurretik, Atxilotzeko agindu hori gezurtatu egin du poliziaren buru nagusia den Yuri Vladimir Calderón jeneralak, baina Boliviako aktualitatea gertutik jarraitzen ari den La Jornada egunkari mexikarrak sinesgarritasuna eman dio ondorengo konfirmazio bati: Morales agintetik kentzeko mobilizazioen buru nabarmenetakoa den Luis Fernando Camachok berretsi du polizia dabilela lehendakari dimititua preso hartu nahian:
Confirmado!! orden de aprehensión para Evo Morales!!
— Luis Fernando Camacho (@LuisFerCamachoV) November 11, 2019
La policia y los militares están buscándolo en el Chapare, lugar que se escondió.
Los Militares le quitaron el avión presidencial y está escondido en el chapare, van por el!
¡JUSTICIA!#NadieSeRinde #Bolivia
Bitartean, Mexikok bere lurraldea eskaini du Evo Moralesi babesa emateko: La Pazeko enbaxa mexikarrean daude dagoenekoz hogei parlamentari ezkertiarretik gora aterpetuta eta gobernu mexikarrak exijitu du egoitza diplomatikoa errespetatu dezaten.