Eusko Legebiltzarra, frackingaren aurka ia aho batez

  • EAEn frackinga eragozten duen legea bertan behera geratu arren, Jaurlaritzak bere esku dauka teknika horren bidezko hidrokarburo esplorazioa eta ustiapena (egingo balitz) geldiaraztea neurri handi batean, helburu horrekin EAEn emanda duden baimen-eremu gehienetan –denetan, batean izan ezik– SHESA sozietate publikoa baita parte hartzen duten enpresetako bat. Bestela esanda, Jaurlaritza bera.


2016ko maiatzaren 05an - 13:57
Eusko Legebiltzarreko osoko bilkura iazko abenduan (Arg.: Eusko Legebiltzarra).

Hain zuzen, Lakuak ahalmen hori baliatu eta haustura hidraulikoari uko egitearen alde bozkatu du Eusko Legebiltzarraren osoko bilkurak. Onartutako proposamenaren arabera, Legebiltzarrak Jaurlaritzari eskatuko dio “SHESAk baimen-eremuetan duen presentziaren bitartez galarazi ditzala fracking bidez hidrokarburo ez-konbentzionalak ikertu, bilatu edota ustiatzeko proiektuak”. EAE barruko nahiz kanpoko proiektuei dagokie eskaria; kontuan hartu behar da Burgosen (Espainia) ere hidrokarburo-esplorazio egitasmo bateko partaide dela SHESA.    

Gainera, Espainiako Gobernuak EAEko frackingaren legaren aurka jarritako helegiteari aurre egiteko galdatuko dio Legebiltzarrak Jaurlaritzari.

PP eta EAJ kontraesanean, EH Bildu eta PSEren ustez

Onartutako testua EH Bilduk eta PSE-EEk aurkeztutako mozio banatatik abiatutako erdibideko zuzenketa da, EAJk ere sinatu duena. Boto guztiak haren aldekoak izan dira, UPyDko legebiltzarkide bakarraren abstentzioa izan ezik. Eztabaidan, ia erabateko adostasun horren atzean dauden kontraesanak azpimarratu dituzte bai koalizio abertzaleak bai sozialistek. PPren kasuan, euren alderdien dagoen gobernuak aurkeztutako helegiteari aurre egitearen alde bozkatu dutelako.

EAJri dagokionez, EH Bilduko Dani Maeztuk adierazi du bitxia dela haien botoa, kontuan izanda legea indarrean egon den bitartean ere SHESAk jarraitu duela hidrokarburoen prospekzioetarako tramiteak egiten, berriki Arantza Tapia Ekonomia Garapen sailburuak jakinarazi duen bezala.

Zentzu horretan, Javi Carro jeltzaleak nabarmendu du esplorazio-baimenak mantentzea ona dela “ikertzen jarraitze aldera”, baina horrek ez dakarrela nahitaez frackinga erabiltzea. Dani Maezturen ustez, aldiz, argudioak ez du baliorik, “baimen horiek beren-beregi frackinga erabiltzeko emanda daude eta”.


Kanal honetatik interesatuko zaizu: Frackingaren arriskua
Gas naturalaren dilema Herbehereetan: prest gaude Groningen hobia ixteko?

Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]


2021-08-27 | Arabako Alea
Gasteizen gasa esploratzeko helegiteari eutsi dio Eusko Jaurlaritzak

Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.


2020-12-23 | Z. Oleaga
Armentia-2 putzuan gasa dagoen ikertzeko baimena ukatu du Gasteizko Udalak

Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.


2020ko uda hartan COVID-19a zabaldu zen, klima zoratu... eta fracking-ak porrot egin zuen

COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]


Eguneraketa berriak daude