Eusko Jaurlaritzak ez du kartzela zigorrik eskatuko De Miguel auziko inputatuentzat

  • Eusko Jaurlaritzak adierazi du “erredundantea” izango litzatekeela kartzela zigorrak eskatzea, fiskalak dagoneko eskatu dituela argudiatuta.


2016ko maiatzaren 16an - 16:05
Alfredo de Miguel EAJko kide ohiak bere inguruan antolatu zuen enpresa sarea dago auziaren erdian.

Eusko Jaurlaritzak saihestu egin du kartzela zigorra eskatzea De Miguel auziko inputatuentzat, El Correo egunkariak argitaratu duenez.

“Erredundantetzat” jo du hori egitea, fiskalak eskatu dituen zigor eskaera handiak kontuan hartuta.

Eusko Jaurlaritzako abokatuek eskatu dute De Miguel auziko inputatu guztiek 221.779 euroko isuna ordain dezatela denen artean, “beren jokabideak euskal instituzioetan eragin duen galeragatik”.

Gainera, EAEko Gobernuak eskatu du De Miguel auzian inputatutakoen bikoteak salbuestea erantzukizun penal guztietatik.

26 lagunen aurkako epaiketa abian jartzea galdegin zuen martxoan Josu Izaguirre Arabako fiskal nagusiak, eta 54 urte eta 9 hilabeteko zigorra eskatu zuen De Miguelentzat. Legez kanpoko komisioak kobratzea, kapitalak zuritzea eta eragin-trafikoa leporatzen dizkiote, besteak beste.

De Miguelez gain, inputatuen artean daude, besteak beste, Aitor Telleria eta Koldo Otxandiano EAJko kide ohiak, Iñaki San Juan Leioako zinegotzi ohia, Gurutz Larrañaga Eusko Jaurlaritzako Kultura sailburuorde ohia eta Xabier Sanchez Robles Eusko Jaurlaritzao Gazteria saileko zuzendari ohia.


Kanal honetatik interesatuko zaizu: De Miguel auzia
2023-07-06 | Ilargi Manzanares
De Miguel eta Otxandiano burukide ohiak Arabako espetxean sartu dira

Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.


2023-05-30 | ARGIA
De Miguelen espetxeratzea berretsi du epaileak, ez baititu haren alegazioak onartu

Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]


'De Miguel' auziko bost kondenatu ez dira kartzelan sartuko

Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.


Del Miguel Auziko kondenatuei kartzela zigorra ezarri die Arabako Auzitegiak

Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.


2023-03-16 | ARGIA
Hamar eguneko epea dute "De Miguel" auziko zigortuek espetxean sartzeko

Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.


Eguneraketa berriak daude